Ir al contenido

Bisas de lo Subordán

De Biquipedia
Esta fuella ye escrita en cheso.

Bisas de lo Subordán ye una revista semestral d'información de la Val d'Echo. Los escritos i son en castellano u en aragonés cheso, sigún l'autor quiera. Replega información de lo cotidiano, historia y feitos d'antis mas y una miqueta de creación literaria. Se publica dende lo anyo 1999

Entre atras as seccions en las que se reparten los contenius son:

  • Bisas dende la Escuela.
  • Chens, personaches de relevancia de la Val.
  • Cosas que t'agana saber.
  • De lo Concello y otras institucións, información institucional de los que triballan por la Val.
  • De parola con..., entrevistas.
  • Endreceras.
  • Fa Muito, una miqueta d'historia.
  • Follas Literarias.
  • Hemos Noticia de..., reportaches.
  • Miquetas, noticias curtas.
  • Pasando lo rato.

Actos asociaus

[editar | modificar o codigo]

P'amparar la revista se fundé una asociación cultural de lo mismo nombre, "Bisas de lo Subordán".

Antiparti la revista se fan chornadas culturals de distintos temas, como por eixemplo lo día "Vivindo'n cheso", día en lo que s'achuntan escolanos d'aulas d'aragonés y lis se fan actividaz en cheso, como visitas guiadas, reunions literarias, comeya, ronda...

Tamién se fan chornadas pa remerar la historia mas guallarda de la Val, como la conmemoración de lo Bicenternario de la Guerra de la Independencia.

Bisas de lo Subordán tamién ha editau bel libro, como los "Cuentos de siempre acomodaus ta lo cheso" u la obra completa de Rosario Ustáriz, replegada en los libros "Miquetas de l'alma" y lo libro-disco póstumo "Entre amigos".