Marráquex

	Marráquex; مراكش - Marrakech
	Localidat de Marruecos
	; Mesquita de Kutubia, en a medina de Marráquex, Patrimonio d'a Humanidat.
Estau; • Rechión; • Provincia	Marruecos; Marráquex-Safi; Marráquex
Superficie	6,2 km²
Población; • Total	; 928850 hab. (2014)
Altaria; • Meyana	; 466 m.
Codigo postal	40000
Coordenadas	31°37’46’’N 7°58’51’’U
	Marráquex Marráquex en Marruecos
	Web oficial

Marráquex (en arabe مراكش; nombre orichinal berber de ⵎⵕⵕⴰⴽⵯⵛ Tamurt n Akkuc) ye una ciudat d'o sud-ueste de Marruecos, a los piez d'es monts Atlas, a 466 m d'altaria.

A población estimada d'a ciudat en l'anyo 2006 yera de 1.036.500 habitants.

A ciudat fue fundata en 1062 (anyo 454 d'a Echira) per Yusuf ibn Taxfin, primer sobirán d'a dinastía d'os almurabiz.

O suyo azoque u mercau ye lo mas gran de Marruecos, y la suya plaza de Dyemaa el-Fna ye considerada como la de mas trachín de toda Africa. A ciudat conta con dos partis: a Medina y a ciudat moderna. Tien igualment bels molimentos declaraus Patrimonio d'a Humanidat, cosa que la fa o prencipal atractivo turistico d'o país. Fa parte d'a Organización d'as Ciudaz d'o Patrimonio d'a Humanidat.

Toponimia

O suyo nombre berber significa "tierra de Dios". Por a tonalidat royenca d'os suyos molimentos ye conoixida tamién como al-Hamra, ("la roya", a mesma etimolochía que L'Alfambra teruelana y o palacio de l'Alhambra en Granada.

En aragonés medieval se deciba Marruecos a esta ciudat, tall y quiento veyemos en a "Grant Cronica d'Espanya" de Chuan Ferrández d'Heredia:

fue vencido et muerto et aquell Rey aldemon passo dalli la mar et fue a Marruecos q(ue) era cabeça del Regno et passo su siella alli et clamosse miramamolin et onrraua a almohadi assi como ha profecta por que todos los moros de affrica et de aqua mar auia ganado por predicacion et aquesti almohadi fino en marruecos et aq(ue)ll Rey aldemon enterro le cerca dela Ciudat de Marruecos et los moros tenian lo por s(an)c(t)o et adorauan el su sepulcro assi como el de Mafoma

L'antiga adaptación d'o nombre que se li dio a la ciudat en os romances d'a peninsula Iberica, Marruecos, se convertió en lo nombre d'o país actual.

Molimentos

Mesquita de Kutubia, en a medina de Marráquex, Patrimonio d'a Humanidat.

Vinclos externos

Se veigan as imáchens de Commons sobre Marráquex.

Iste articlo ye un borrador. Enamplando-lo aduyarás a amillorar a Biquipedia.

Datos: Q101625
Multimedia: Marrakech / Q101625