Marie-Anne Pierrette Paulze

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Iste articlo u sección ha menester d'un wikificato con un formato adecuato a lo manual d'estilo de Biquipedia.
Por favor, edita-lo ta cumplir con ellas. No borres iste aviso dica que no l'haigas feito. Colabora wikificando!

Ista pachina ha menester d'una revisión por un corrector ta amillorar a suya ortografía, a suya gramatica u o suyo vocabulario.

Marie-Anne Pierrette Paulze (Montbrison, Francia, 20 de chinero de 1758 - París, 10 de febrero de 1836), conoixida como Marie Lavoisier ye considerada como "a mai d'a quimica moderna". Marie Lavoisier ye estada frecuentment mencionada en o suyo paper d'esposa d'o cientifico Antoine Lavoisier, encara que son menos difundius os suyos logros cientificos en a quimica.

Biografía

A la edat de tres anyos, se quedó uerfana de mai, Claudine Thoynet Paulze. Su pai, Jacques Villée, avogau parlamentario y financiero, la ninvió a un convento an que recibió a suya educación.^[1]

Con cuasi catorce anyos estió pedida en matrimonio por o Conte d'Amerval, que la triplicaba en edat. Su pai miró d'oposar-se, pero estió menazau con perder o suyo emplego si refusaba, a causa d'o cual consultó con un d'os suyos colegas, si no sería disposau a casar-se con a suya filla. Antoine Lavoisier teneba 28 anyos, yera noble, avogau, economista y quimico. Se casoron o 16 d'aviento de 1771.

Trayectoria

Dibuixo de Madame Lavoisier. O dibuixo amuestra a o suyo esposo y a ella mesma, en o laboratorio, realizando experimentos sobre respiración humana.

En 1775 a parella se mudó ta París, an que florió l'intrés de Lavoisier por a quimica. Luego, Marie prencipió a embrecar-se en as encercas cientificas d'o suyo esposo y a participar activament en o treballo de laboratorio.^[2] Antoine seguiba treballando pa la Ferme-Générale pero heba estau designau como administrador d'a polvora, en o Arsenal de París. Con a seguranza economica que heba aconseguiu estió en condicions de construir un laboratorio.

Conforme l'intrés de Marie Anne abanzaba, recibió instrucción formal en o campo de parte de Jean-Baptiste Bucquet y Philippe Gingembre, toz dos colegas de Antoine. O matrimonio Lavoisier pasaban a mayor parte d'o suyo tiempo chuntos en o laboratorio, treballando en equipo, en cuantas adrezas.

En mayo de 1793, durant a Revolución francesa, ya en a etapa d'o Reinau d'a Terror, Antoine estió acusau de traiduría, a causa d'a suya posición prominent en a Ferme Générale. Con a mesma acusación, estió arrestau en primeras o pai de Marie-Anne y dimpués, o 28 de noviembre, o propio Antoine, estando recluido en Port-Libre. Entre a prisión d'o suyo esposo, Marie-Anne lo visitaba regularment y luitó por obtener a suya libertat. Ella mesma l'esfendió debant de Antoine Dupin, qui l'heba denunciau, y qui teneba tamién o poder de salvar-lo. Marie-Anne apeló a las investigacions cientificas que realizaban y a importancia que ellas teneban pa Francia. As suyas apelacions estioron inutils y Antoine estió finalment enchuchau y executau o 8 de mayo de 1794 en París, cuan teneba 50 anyos. O mesmo día estió executau tamién su pai.

Dimpués d'esto, Marie-Anne se tornó retraita. Toz os suyos biens estioron confiscaus por o gubierno revolucionario, incluindo os cuadernos de notas y o laboratorio. Manimenos ixo, aconsiguió reunir muita documentación que organizó y publicó como as Memorias de Quimica de Lavoisier, posando as bases d'a quimica moderna.

O primer volumen contiene os treballos sobre a calor y a formación d'os liquidos, mientres que o segundo ye dedicau a las ideyas sobre combustión, aire, calcinación de metals, acción d'os acidos, y a composición de l'augua. En a copia orichinal Marie-Anne escribió o prefacio y atacó a os revolucionarios y contemporanios de Antoine, a qui les atribuiba a responsabilidat por a suya muerte. Iste prefacio no fue finalment incluiu en a publicación, pero o libro permitió preservar as contribucions d'o suyo hombre y as suyas propias en o campo d'a quimica.

Cualques anyos dimpués, Marie-Anne tornó a casar-se, ista vegada con Benjamin Thompson, Conte de Rumford. Rumford yera un d'os medicos mas conoixius d'o suyo tiempo, pero a parella no aconsiguió asentar-se y rematoron deseparando-se.^[3] Marie-Anne mantenió a lo largo de toda a suya vida o apellido d'o suyo primer esposo, Lavoisier, contrimostrando a devoción que le tenió. Murió o 10 de febrero de 1836 en a suya casa en París, a os 78 anyos d'edat.

As suyas contribucions a la quimica

Marie-Anne Lavoisier asistiba a o suyo hombre Antoine en o laboratorio entre o día, anotando observacions en o libro de notas y dibuixando diagramas d'os suyos disenyos experimentals. Os estudios que realizó con o pintor Jacques-Louis David le permitioron dibuixar con precisión os aparatos d'o laboratorio, bella cosa que finalment resultó de gran utilidat cuan se buscó entender os metodos y resultaus d'Antoine. Madame Lavoisier estió tamién a organizadora y editora d'os informes.

Conchuntament, o matrimonio Lavoisier refació o campo d'a quimica que, habendo teniu as suyas radices en a alquimia s'heba convertiu en un saber dominau por a noción de flochisto difundida por Georg Stahl. En o sieglo XVIII a ideya d'o flochisto (un elemento semblant a o fuego que se libera mientres a combustión) s'usó para describir as propiedaz aparents d'os cambios que a materia experimentaba cuan se cremaba. A causa d'o suyo dominio de l'anglés, latín y francés, Marie-Anne, realizó traduccions de cuantos treballos sobre flochisto pa que o suyo esposo los leyese. Prebablement a suya traducción mas important haiga estau l'Asayo sobre Flochisto de Richard Kirwan, traduciu y de vez criticau por Madame Lavoisier, con notas a o piet en a cual puntualizaba as errors quimicas d'o treballo. Tamién tradució obras de Joseph Priestley, Henry Cavendish y atros investigadors, que resultoron un aporte inestimable pa Antoine. En o caso d'o flochisto, estió a traducción de Marie-Anne a que lo levó a la convicción que a hipotesi yera incorrecta, o que de vez l'orientó en os suyos estudios sobre a combustión y o suyo escubrimiento d'o gas oxicheno.

Estudios

Rosana Sanchis (2002), Género y ciencia: Anne Marie Paulze, Madame Lavoisier (1758-1836), una mujer en la revolución química, Alambique, IX (31), pp. 112–118.

Referencias

↑ , Oakes, Elizabeth H., {{{títol}}}, Facts on File. ISBN 9780816041305.
↑ , Bel, Madison {{{títol}}}, W.W. Norton. ISBN 9780393051551.
↑ , Haines, Catharine M. {{{títol}}}, ABC-CLIO. ISBN 9781576075593.

Vinclos externos

Se veigan as imáchens de Commons sobre Marie-Anne Pierrette Paulze.
Plantilla:Cite episode The transcript page includes Marie Lavoisier's engraving of a gazometer, from Traité Elémentaire de Chimie.

Datos: Q7229
Multimedia: Marie-Anne Pierrette Paulze / Q7229

[1] , Oakes, Elizabeth H., {{{títol}}}, Facts on File. ISBN 9780816041305.

[2] , Bel, Madison {{{títol}}}, W.W. Norton. ISBN 9780393051551.

[3] , Haines, Catharine M. {{{títol}}}, ABC-CLIO. ISBN 9781576075593.

[1]

[2]

[3]