Avogato
Un avogato (d'o latín advocatus) ye aquella persona, licenciata en Dreito y inscrita en un Colechio d'Avogatos, que exerce profesionalment l'asesoramiento y consello en materia legal asinas como a dirección y esfensa d'as partis en chuicios y toda clase de procesos chudicials y administrativos.
Os avogatos son os prencipals cooperadors u achents que intervienen en l'administración de chusticia.
L'avogato, por estar un profesional especificament parato y especializato en cuestions churidicas, ye a unica persona que puet ofreixer un enfoque adecuato d'o problema que tien o ciudadano u 'chusticiable'. Cal destacar que amás d'a suya intervención en chuicios, una función basica y prencipal de l'avogato ye a preventiva.
Con l'asesoramiento, una correcta redacción d'os contractos y documentos, etc, s'evitan conflictos, de forma que l'avogato, mas que ta os pleitos u chuicios, sirve ta no plegar a éls.
Atros colectivos profesionals prestan servicios parellans a os d'os avogatos, y se tracta de profesionals altament cualificatos, pero especializatos en l'asesoramiento u a chestión de cuestions u en materias muit concretas. L'unico profesional habilitato ta o tramite completo d'una cuestión chudicial ye l'avogato.
A traviés d'os Colechios d'Avogatos u d'os organismos pertinents (seguntes os países) existen servicios d'asistencia churidica gratuita ta os ciudadans que no disposan de medios economicos.
L'actuación profesional de l'avogato se basa en os prencipios de libertat y independencia. O prencipio de buena fe preside as relacions entre o client y l'avogato, que ye subchecto a o secreto profesional.
Se veiga tamién[editar | modificar o codigo]
Vinclos externos[editar | modificar o codigo]
Se veigan as imachens de Commons sobre os avogatos.- (en) Asociación d'Avogatos en Internet.
- (es) Real e Ilustre Colegio de Abogados de Zaragoza.
