Mariano Bielsa i Latre

De Biquipedia
Ir a la navegación Ir a la búsqueda
Antonio Balaguer Pascual
Información personal
Calendata naiximiento: 1859
Puesto naiximiento: Flag of Aragon.svg Berbegal (Semontano de Balbastro, Aragón)
Embote: Chistabín de Berbegal
Esporte: Atletismo

Mariano Bielsa y Latre conoixito a sobén como Bielsa de Berbegal u con a embotada de Chistavín de Berbegal y naixito de Berbegal en 1859 estió un popular corredor y andarín pionero d'o profesionalismo esportivo en Espanya y Aragón.

Biografía[editar | modificar o codigo]

Chistabín ye descrito en o diario de Madrit La Época como un choben con pelo rizato y piel morena, mentón salient, de media altaria, chicot, y sonrisa maliciosa en os suyos labios. Naixito de Berbegal de una familia con tradición de andarines, un chirmán de su güelo conoixito como l'Andarín de Berbegal estió a o servicio d'o Cheneral Francisco Espoz y Mina en a Guerra d'o Francés. Iste fació incursions en territorio francés vendiendo tabaco y recorrió os suyos campamentos fendo dica 150 km ta tornar dimpués a territorio espanyol ta informar a o Cheneral.

Mariano yera aficionato dende choben a las corridas de pollos celebratas en as fiestas d'os pueblos mugants a Berbegal y con quasi 20 anyos ganaba as cursas. En ixas anyatas l'esporte no yera una actividat como hue, y os corredors y andarines yeran uns aficionatos que quereban amostrar as suyas qualidatz atleticas y ganar-se una mica de diners en retos con atros mocetz en as corridas de pollos d'as fiestas d'os pueblos. Pero a vegatas un d'ells destacaba por dencima de totz como era o caso de Chistabín u de Antonio Balaguer conoixito como O Rey d'Andorra.

A suya victoria mas famosa estió o 22 d'octubre de 1882, quan en a Plaza de toros de Zaragoza ganó a un caballo y a o corredor italiano Achilles Bargossi, que bi heba ganato cursas contra caballos y homes y a qui a prensa d'a epoca le deciba l'Home Locomotora, autoproclamato o millor corredor d'o mundo imbatido dica ixe diya. Chistabín le ganó fendo 81 vueltas a la plaza (mas de 14,5 km) en 43 minutos aconsiguiendo una gran popularidat en Espanya.[1][2]

A suya historia fue replegata por o escritor Jose Antonio Adell en o suyo libro Chistavín, el andarín de Berbegal.

Honors[editar | modificar o codigo]

  • A Berbegal se celebra una corrida en o suyo honor anomenata Memorial Mariano Bielsa El Chistavín.

Bibliografía[editar | modificar o codigo]

  • Adell Castán, José Antonio y García Rodríguez, Celedonio. Chistavín. El Andarín de Berbegal, . Editorial Pirineo. ISBN 84-87997-61-9.[3]

Referencias[editar | modificar o codigo]

Vinclos externos[editar | modificar o codigo]