Mariahilfer Straße
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
A Mariahilfer Straße (en dialecto vienés Mariahüf Schtråssn) ye una d'as carreras comercials mas grans y conoixitas d'a ciudat de Viena en Austria. Une o districto d'Innere Stadt con o districto de Penzing. Amás da nombre a un d'os districtos d'a ciudat, o districto de Mariahilf.
Subdivisions[editar | modificar o codigo]
Conoixita popularment como Mahü, ista carrera se divide en Mariahilfer Straße interior y exterior. Istas denominacions no son oficials, pero se pueden veyer y sentir tanto en os meyos de comunicación como en os meyos de transporte (por eixemplo en as garas d'o metro) ta fer referencia a os diferents sectors d'a carrera y distinguir a parti que ye aintro u difuera d'o cinturón de circumvalación (a Wiener Gürtel Straße). Muit a sobén se fa servir a denominación Mariahilfer Straße ta nombrar nomás a o sector comercial d'a carrera que ye en a parti interior d'o cinturón.
Mariahilfer Straße interior[editar | modificar o codigo]
A Mariahilfer Straße s'estendilla dende o Getreidemarkt en o districto 6 de Viena (Mariahilf) dica a Museumsplatz en o districto 7 (Neubau) amán d'o Wiener Ringstraße, fendo de muga entre istos dos districtos.
Mariahilfer Straße exterior[editar | modificar o codigo]
Iste sector d'a carrera prencipia en o Mariahilfer Gürtel y remata en o Schloßallee en a parti ueste d'a ciudat. Encara que se i puet trobar un buen numero de comercios, bi ha pocas botigas de marcas internacionals como as que se troban en o trampo interior d'a carrera. O tramvía recorre ista parti d'a Mariahilfer Straße, mientres que en a parti interior nomás bi ha metro.
Bibliografía[editar | modificar o codigo]
- Felix Czeike: Historisches Lexikon Wien. Kremayr und Scheriau, ISBN 3-218-00543-4
- Reinhard Engel: Luxus aus Wien I. Czernin Verlag, Wien 2001. ISBN 3-7076-0121-8
- Wiener Heimatbuch: Mariahilf – Einst und Jetzt, Gerlach & Wiedling, Wien, 1926
Vinclos externos[editar | modificar o codigo]
Se veigan as imáchens de Commons sobre Mariahilfer Straße.- (de) Historia de Mariahilfer Straße
- (de) A Mariahilfer Straße en a web planet-vienna.com
- (de) Wien 6., Mariahilfer Straße
- (de) Die Mariahilfer Straße
