Maratón en os Chuegos Olimpicos d'Atenas 1896

A maratón en os Chuegos Olimpicos d'Atenas 1896 estió una cursa que fació parte d'o programa de l'Atletismo en os Chuegos Olimpicos de 1896. A competición se fació 10 d'abril de 1896, y pa esta preba encara no i heba una distancia oficial fixada per lo que en esta edición los atletas recorrioron una distancia aproximada de 40 km dende a ciudat de Maratón dica arribar a la meta que yera situada en o Estadio Panathinaiko d'Atenas. A cursa en fer-se en horas de calor fació una estrafalla entre los atletas per la calor que feba habendo d'abandonar muitos d'éls. Tot y en estar la primera maratón en uns Chuegos Olimpicos a lo no haber una distancia fixada oficialment no s'establió garra récord olimpico.

En ista edición no habió cursa femenina.

Ista cursa estió inspirada en a falordia d'o soldau griego dito Filipides (u Fidipides, seguntes as fuents), que en l'anyo 490 aC morió de fatiga dimpués de correr dende a ciudat de Maratón dica Atenas t'anunciar a victoria de l'exercito griego sobre os persas en a batalla de Maratón.

Medallero

Oro	Archent	Bronce
Spiridon Louis	Kharilaos Vasilakos	Gyula Kellner

Formato de competición

A primera cursa de maratón en unos Chuegos Olimpicos se fació o 10 d'abril de 1896, bi heba inscritos 25 corredors pero finalment encomenzaron a preba 17 atletas cuan o coronel Papadiamantopoulos dió a surtida dende a ciudat de Maratón a las 14:00. Os atletas recorrioron una distancia aproximada de 40 km dica arribar a la meta que yera situada en o Estadio Panathinaiko d'Atenas.

Desarrollo d'a cursa

En primeras y dica o km 20 o francés Albin Lermusiaux estió en a davantera d'a cursa, perseguiu por Teddy Flack, Arthur Blake y Gyula Kellner, en a meya cursa o griego Spiridon Louis yera 6eno y os participants prencipiaban a retirar-se por a calor, y a pols d'os camins. Arthur Blake se retiró en o km 23 y poco dimpués Teddy Flack yera o primer d'a cursa cuan abanzó a Lermisiaux qui acabó extenuau y se retiró en o km 32, en o mesmo km a on Spiridon acazó a Teddy Flack ta o primer puesto. Corrioron chuntos 5 km mes de cursa dica Ambelokipi a on Spiridon se quedó solo, en arribar en a zaguerias d'a cursa, amán d'Atenas, Flack se retiró. En l'arribada a l'estadio Spiridon, yera primer y o prencipe hereu Nicholas y o prencipe Georgios facioron os zaguers metros con él. Finalment aconsiguió o primer puesto y a medalla d'oro, Kharilaos Vasilakos arribó segundo y estió medalla d'archent, Spiridon Belokas (tamién) griego estió tercero en a meta, pero una reclamación de l'hongaro Gyula Kellner amostró que heba feito parti d'a cursa en un carro, Belokas reconoixió a trampa y finalment a medalla de bronce estió ta l'hongaro.

Clasificación

DNF = No finalizó a preba.
DSQ = Descalificau.

Puesto	Atleta	Tiempo
	Spiridon Louis	2h 58' 50"
	Kharilaos Vasilakos	3h 06' 03"
	Gyula Kellner	3h 06' 35"
4	Ioannis Vrettos	desconoixiu
5	Eleitherios Papasimeon	desconoixiu
6	Dimitrios Deligiannis	desconoixiu
7	Evangelos Gerakeris	desconoixiu
8	Stamatios Masouris	desconoixiu
9	Sokratis Lagoudakis	desconoixiu
–	Teddy Flack	DNF (37 km)
	Albin Lermusiaux	DNF (32 km)
	Ioannis Lavrentis	DNF (24 km)
	Georgios Grigoriou	DNF (24 km)
	Arthur Blake	DNF (23 km)
	Ilias Kafetzis	DNF (9 km)
	Dimitrios Khristopoulos	DNF
DSQ	Spiridon Belokas	3h 06' 30"

Vinclos externos

(en) A maratón en os Chuegos Olimpicos d'Atenas 1896.

Maratón en os Chuegos Olimpicos
Edicions: Atenas 1896 \| París 1900 \| Saint Louis 1904 \| Londres 1908 \| Estocolmo 1912 \| Anvers 1920 \| París 1924 \| Amsterdam 1928 \| Los Angeles 1932 \| Berlín 1936 \| Londres 1948 \| Helsinki 1952 \| Melbourne/Estocolmo 1956 \| Roma 1960 \| Tokio 1964 \| Mexico 1968 \| Múnich 1972 \| Mont-reyal 1976 \| Moscú 1980 \| Los Angeles 1984 \| Seúl 1988 \| Barcelona 1992 \| Atlanta 1996 \| Sydney 2000 \| Atenas 2004 \| Pekín 2008 \| Londres 2012 \| Rio de Janeiro 2016 \| Tokio 2020 \| París 2024
Prebas d'atletismo en os Chuegos Olimpicos
Prebas: 100 metros lisos \| 200 metros lisos \| 400 metros lisos \| 800 metros lisos \| 1.500 metros lisos \| 3.000 metros lisos \| 5.000 metros lisos \| 10.000 metros lisos \| Maratón \| 60 metros cletas \| 100 metros cletas \| 110 metros cletas \| 400 metros cletas \| 3.000 metros obstaclos \| Brinco de largaria \| Brinco d'altaria \| Triple brinco \| Brinco con percha \| Tirada de peso \| Tirada de disco \| Tirada de chavalina \| Tirada de martiello \| Pentatlón \| Heptatlón \| Decatlón \| Relevos 4x100 \| Relevos 4x400 \| 5.000 metros marcha \| 10 km marcha \| 20 km marcha \| 35 km marcha \| 50 km marcha

Datos: Q527041
Multimedia: Athletics at the 1896 Summer Olympics / Q527041