Maratón en os Chuegos Olimpicos d'Atenas 1896

De Biquipedia
Ir a la navegación Ir a la búsqueda

A maratón en os Chuegos Olimpicos d'Atenas 1896 estió una cursa que fació parte d'o programa de l'Atletismo en os Chuegos Olimpicos de 1896. Ista cursa estió inspirata en a falordia d'o soldato griego dito Filipides (u Fidipides, seguntes as fuents), que en l'anyo 490 aC morió de fatiga dimpués de correr dende a ciudat de Maratón dica Atenas t'anunciar a victoria d'o exercito griego sobre l'exercito persa en a batalla de Maratón.

Desembolique d'a cursa[editar | editar código]

A primera cursa de maratón en unos Chuegos Olimpicos se fació o 10 d'abril de 1896, bi heba inscritos 25 corredors pero finalment encomenzaron a preba 17 atletas quan o coronel Papadiamantopoulos dió a surtida dende a ciudat de Maratón a las 14:00.

En primeras y dica o km 20 o francés Albin Lermusiaux estió en a davantera d'a cursa, perseguito por Teddy Flack, Arthur Blake y Gyula Kellner, en a meya cursa o griego Spiridon Louis yera 6eno y os partecipants prencipiaban a retirar-se por a calor, y a pols d'os camins. Arthur Blake se retiró en o km 23 y poco dimpués Teddy Flack yera o primer d'a cursa quan abanzó a Lermisiaux qui acabó extenuato y se retiró en o km 32, en o mesmo km a on Spiridon prenió a Teddy Flack ta o primer puesto. Corrioron chuntos 5 km mes de cursa dica Ambeloki a on Spiridon se quedó solo y, en arribar en a zaguerias d'a cursa, amán d'Atenas, Flack se retiró. En l'arribada en l'estadio Spiridon yera primer y o prencipe hereu Nicholas y o prencipe Georgios facioron os zaguers metros con ell. Finalment aconsiguió o primer puesto y a medalla d'oro, Kharilaos Vasilakos arribó segundo y estió medalla d'archent, Spiridon Belokas (tamién) griego estió tercero en a meta, pero una reclamación de l'hongaro Gyula Kellner amostró que heba feito parti d'a cursa en un carro, Belokas reconoixió a trampa y finalment a medalla de bronze estió ta l'hongaro.

Clasificación[editar | editar código]

Puesto Atleta Tiempo
Oro Grecia Spiridon Louis 2h 58' 50"
Archent Grecia Kharilaos Vasilakos 3h 06' 03"
Bronze Hongria Gyula Kellner 3h 06' 35"
4 Grecia Ioannis Vrettos desconoixito
5 Grecia Eleitherios Papasimeon desconoixito
6 Grecia Dimitrios Deligiannis desconoixito
7 Grecia Evangelos Gerakeris desconoixito
8 Grecia Stamatios Masouris desconoixito
9 Francia Sokratis Lagoudakis desconoixito
Austràlia Teddy Flack DNF (37 km)
Francia Albin Lermusiaux DNF (32 km)
Grecia Ioannis Lavrentis DNF (24 km)
Grecia Georgios Grigoriou DNF (24 km)
Estats Units Arthur Blake DNF (23 km)
Grecia Ilias Kafetzis DNF (9 km)
Grecia Dimitrios Khristopoulos DNF
DISQ Grecia Spiridon Belokas 3h 06' 30"

Vinclos externos[editar | editar código]