Evangelos Gerakakis

Evangelos Gerakakis
Información personal
Naixencia	1871 Chalkida, Grecia,
Muerte	1913 Atenas
Esporte	Atletismo

Evangelos Gerakakis (griego: Ευαγγελος Γερακάκης) a vegadas Gerakeris u Gerakaris y naixiu de Chalkida,^[1] Grecia, en l'anyo 1871 y muerto en Atenas en 1913, estió un atleta griego especializau en cursas de larga distancia, que participó en os I Chuegos Olimpicos d'a era moderna celebraus en Atenas en l'anyo 1896.

De choven con nomás 20 anyadas se tresladó ta Atenas a on treballó de fornero, yera un chicot musculau y atletico que ganó cuantos premios en halterofilia. O suyo primer contacto con l'atletismo estió en a Maratón Panhelenica que yera clasificatoria pa os Chuegos Olimpicos en a que aconsiguió arribar en o seiseno puesto y estar triau pa participar en a maratón d'os Chuegos Olimpicos.^[1] Él estió uno d'os 17 corredors que prencipioron a cursa d'a maratón, aconsiguió terminar a preba y trescruzar l'arribada en uiteno puesto, pero finalment a suya posición fue a setena cuan fue descalificau l'atleta Spiridon Belokas perque fació parti d'a cursa en un carro.^[2] O suyo tiempo en completar a preba ye desconoixiu pues nomás tien tiempo cronometrau os tres primeros d'a preba.

Tenió un forno y pastelería con Konstantinos Tsitas como socio que fue popular en Atenas.