Mamblas (cheomorfolochía)

De Biquipedia
Ir a la navegación Ir a la búsqueda
Este articlo tracta sobre Mamblas, releu estructural. Pa atros usos d'a parola Mamblas, se veiga Mamblas (desambigación).

As mamblas (d'o latín MAMMULA), son releus con forma de teta. En tierras d'a Meseta Espanyola, y especialment en a provincia de Burgos as mamblas s'han formau en plegos d'estratos de calsinera d'o Cretacio superior que han sedimentau sobre almendrons y arenitas.[1] Como en estas series de plegos gosan conservar-sen millor os sinclinals que os anticlinals, os cabaltos d'as mamblas gosan corresponder a sinclinals pendius. En atros puestos as mamblas pueden corresponder a pueyos testimonials y a antepueyos.

Toponimia[editar | editar código]

En o centro d'a Peninsula Iberica abundan os toponimos con formaus a partir d'a parola mambla. En a val de l'Ebro actualment no son guaire comuns ni en a macrotoponimia ni en a microtoponimia, pero se'n conoix como toponimos documentals, destacando Mamblas, antigo lugar d'o termin municipal de Zaragoza situau en l'actual barrio de Santa Isabel.

Referencias[editar | editar código]

  1. (es) Julio Muñoz Jiménez y Concepción Sanz Herráiz: Guía Física de España 5. Las Montañas. Alianza Editorial, 1995, p 141