Luz (peix)

No entivocar-se con o lucio, peix d'a orden Esociformes.

Merluccius merluccius

Macruronus magellanicus

Dissostichus eleginoides

O luz ye o nombre común de cuantos peixes de mar, de l'orden d'a clase Actinopterygii.

Descripción

Mesura de 80 a 130 cm de longaria, y tien o cuerpo alargau y comprimiu lateralment. Ye de color marrón u negra en a parte superior, grisa en os costaus y plateyada en a rechión ventral. Vive en a Mediterrania, l'Atlantico y o Pacifico Sud. Istos peixes fan dos menas de migracions: una toz os días, puyando d'entre nueit a las napas superiors d'a mar t'alimentar-se-ie, y baixando d'entre día. A segunda ye de tipo estacional, seguntes o ciclo reproductivo de cada especie.

Especies

Familia Merluccidae:

• Luz archentino (Merluccius hubbsi)
• Luz austral (Merluccius australis)
• Luz blanco (Merluccius albidus)
• Luz europeu (Merluccius merluccius)
• Luz platiau (Merluccius bilinearis)

Familia Macruronidae

• Luz de coda (Macruronus magellanicus)

Familia Nototheniidae

• Luz negro (Dissostichus eleginoides)

Pesca

Todas as variedaz son explotadas como recurso pesquero d'os países an que se troban, ta o consume interno como ta la exportación ta a resta d'o mundo. A especie mas aprofeitada ye o luz común, por estar muit común y muit conoixiu d'os consumidors. Se gosa procesar mas que mas como filet, u sacadas as visceras y a cabeza, entre atras trazas. O luz de coda ye un recurso menos explotau por estar menos conoixiu. Se fa servir ta fer filez y surimi. As artes de pesca emplegadas ta capturar-los son rez d'arrocegamiento de fondo y semipelachicas, y tamién con hanzuelo y palangre.

Referencias

• Datos: Q216241
• Multimedia: Gadiformes / Q216241
• Especies: Gadiformes