Luis Acín Boned
| Luis Acín Boned | |
|---|---|
| |
| 1995 – 1997 | |
| Precediu por | Enrique Sánchez Carrasco |
| Succediu por | José Luis Rubio Gracia |
| 4 d'agosto de 1987 – 5 de chulio de 1991 | |
| President | Hipólito Gómez de las Roces |
| Precediu por | Antonio Sierra Pérez |
| Succediu por | Rafael Zapatero González |
| President | Emilio Eiroa García |
| Precediu por | Joaquín Maggioni Casadevall |
| Succediu por | Isidoro Esteban Izquierdo |
| 5 d'abril de 2000 – 8 d'abril de 2003 | |
| 20 de chunio de 1991 – 20 de chunio de 1995 | |
| Naiximiento | 29 de noviembre de 1948 Uesca (Aragón)
|
| Partiu | Partido Aragonés Partido Popular de Aragón |
| Profesión | Politico y empresario |
.svg){kind=small}
Luis Acín Boned (Uesca, 29 de noviembre de 1948) ye un politico y empresario aragonés natural del municipio de Huesca.[1][2]
Ha ocupau cargos en diferents organizacions empresarials, como o de president de l'Asociación d'Empresarios d'Hostelería de Uesca, president d'a Confederación d'Empresarios Uescana, miembro d'as chuntas directivas d'a Confederación Espanyola d'a Chicota y Meyana Interpresa y d'a Confederación Espanyola d'Organizacions Empresarials, president fundador d'a Sociedat Uescana de Garantías Reciprocas (OSCAVAL) y presidente nacional de CESGAR.[1]
En o mundo d'a politica ha ocupau cuantos cargos, entre os que destacan os de consellero d'Industria, Comercio y Turismo y consellero d'Ordenación Territorial, Obras Publicas y Transportes d'o Gubierno d'Aragón, y o d'alcalde de Uesca.[3][1]
Biografía[editar | modificar o codigo]
Inicios[editar | modificar o codigo]
Luis Acín treballó dende os 19 anyos y sin estudios superiors en un restaurant familiar, lo que suponió o suyo primer paso en o mundo d'a hostelería.[2]
Prencipió en a politica como primer tenient d'alcalde d'o Concello de Uesca, cargo que desempenyó entre 1979 y 1982. En 1983 dentró en o Partido Aragonés (PAR), partiu por o que fue eslegiu concellero de Uesca y deputau provincial (1987). Dimpués, renunció a istos cargos pa dentrar a fer parti d'o Gubierno de Aragón presidiu por l'aragonesista Hipólito Gómez de las Roces, como consellero d'Industria, Comercio y Turismo (1987-1991).[1]
Entre 1991 y 1993 estió consellero d'Ordenación Territorial, Obras Publicas y Transportes —puesto dende o que negoció o Pacto de l'Augua— en o Gubierno PP-PAR d'Emilio Eiroa,[4] continando como parlamentario rechional dica a final d'a lechislatura.[1]
Eslechiu alcalde de Uesca por o PAR en 1995, con os votos de PAR y PP, quedó con un gubierno en minoría —con seis concellers— en crebar-se o pacto con os suyos socios d'o PP en primerías de 1997. En octubre d'ixe mesmo anyo formalizó un alcuerdo de gubierno con os socialistas, pero o 13 de noviembre renunció a o cargo por motivos de salut,[2] tornando asinas a l'actividad profesional, que ha iu alternando con as responsabilidaz politicas.[1]
Partido Popular[editar | modificar o codigo]
As suyas relacions con Santiago Lanzuela, con qui coincidió en a Deputación Cheneral d'Aragón, lo levoron a afiliar-se a o Partido Popular en l'anyo 2000, y a acceptar a suya propuesta d'encabezar a candidatura d'iste partiu por a provincia de Uesca, en as eleccions chenerals lechislativas d'Espanya d'ixe anyo.[2][1]
En o Congreso d'os Deputaus, fació parti d'as comisions d'Exteriors, Medio ambient y Presupuestos. Tamién fue encargau por o suyo partiu d'esfender y explicar o Pacto de l'Augua y o Plan Hidrolochico Nacional. Mientres o suyo tiempo como deputau, o Gubierno central asumió bels compromisos pendients con a provincia de Uesca, lo que se tradució en logros como o desbloqueyo d'o entibo de Mont Aragón, a lanzadera de l'AVE u a variant ferroviaria de Uesca.[1]
O 19 de chulio de 2002, o PP presentó oficialment a candidatura de Luis Acín a o Concello de Uesca pa las eleccions municipals de 2003, en as que remató ganando Fernando Elboj Broto. Ista yera a cuarta ocasión en que optó a ixe puesto: a primera vegada lo fació como independient, y as atras dos (1987 y 1995), en as listas d'o Partido Aragonés (PAR).[1]
Renuncia[editar | modificar o codigo]
O 8 d'abril de 2003,[5] Luis Acín renunció a o suyo escanyo en o Congreso d'os Deputaus de Espanya y demandó a suya baixa como militant d'o Partido Popular en protesta por a posición que o gubierno de José María Aznar heba adoptau sobre a guerra contra Irak.[2][1]
Referencias[editar | modificar o codigo]
- ↑ 1,00 1,01 1,02 1,03 1,04 1,05 1,06 1,07 1,08 1,09 (es) Acín Boned, Luis - Página de voz - Gran Enciclopedia Aragonesa OnLine. El Periódico de Aragón
- ↑ 2,0 2,1 2,2 2,3 2,4 2,5 (es) LUIS ACIN - Opinión - Diario Córdoba Diario Córdoba. 10 d'abril de 2003
- ↑ (es) Luis Acín Boned diputado por Huesca legislatura VII. 18 d'agosto de 2012
- ↑ (es) El Gobierno aragonés insiste en su oposición a ceder agua del Ebro 13 de chinero de 1993. Javier Ortega. El País
- ↑ (es) Voto de castigo: el despertar de la conciencia ciudadana y la derrota del PP. Pablo Ordaz. Ed. Debate, 2004. Pach. 90. ISBN 9788483065808.
Bibliografía[editar | modificar o codigo]
- (es) Voto de castigo: el despertar de la conciencia ciudadana y la derrota del PP. Pablo Ordaz. Ed. Debate, 2004. Pach. 90. ISBN 9788483065808.
- (es) "Quién es quién en España". Ed. Sor Ángela de la Cruz, 2000.
- (en) "Congress of Local and Regional Authorities of Europe". Council of Europe. 1997. ISBN 9789287131751.
- Alcaldes de Uesca
- Concellers d'o Concello de Uesca
- Consellers d'Industria d'a Deputación Cheneral d'Aragón
- Consellers de Politica Territorial d'a Deputación Cheneral d'Aragón
- Consellers d'Obras Publicas d'a Deputación Cheneral d'Aragón
- Consellers de Turismo d'a Deputación Cheneral d'Aragón
- Deputaus en as Corz d'Aragón por a circumscripción electoral de Uesca
- Deputaus d'a III Lechislatura d'as Corz d'Aragón
- Deputaus en o Congreso d'os Deputaus por a provincia de Uesca
- Deputaus d'a VII Lechislatura d'o Congreso d'os Deputaus
- Gubierno Gómez de las Roces
- Gubierno Eiroa
- Empresarios d'Aragón
- Politicos d'Aragón
- Politicos d'o Partido Popular de Aragón
- Naixius de Uesca
- 1948 (naixencias)