Louis Armstrong

De Biquipedia
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Articlo d'os 1000
Louis Armstrong
Louis Armstrong en 1953.
Louis Armstrong en 1953.
Información personal
Nombre Louis Daniel Armstrong
Embotada Satchmo y Pops.
Naixió 4 d'agosto de 1901
Nueva Orleans (Loisiana, Estaus Unius)
Murió 6 de chulio de 1971
Nueva York (Nueva York, Estaus Unius)
Información musical
Orichen
Estilo Jazz, dixieland y swing.
Ocupancia Musico y compositor.
Instrumentos Voz, trompeta y corneta.
Tiempo 1919 - 1969
Discograficas
Relacionau con Joe Oliver, Ella Fitzgerald, Kid Ory.
Pachina web www.Satchmo.net

Louis Armstrong (Louis Daniel Armstrong), conoixito tamién con as embotadas de Satchmo [1] y Pops, naixito de Nueva Orleans (Loisiana, Estaus Unius) o 4 d'agosto de 1901 y muerto en Nueva York (Nueva York, Estaus Unius) o 6 de chulio de 1971, estió un cantaire y musico (trompetista) de jazz estausunidense, que estió uno d'os inicios d'a transformación d'o jazz en una musica popular y conoixita internacionalment.

Louis Armstrong ganó a suya fama en a suya faceta de trompetista, pero tamién ganó dimpués una mereixita fama como cantaire, estando uno d'os mas influyents cantaires de jazz, con una voz funda y perfectament reconoixible. En zaguerías d'a suya carrera, en os anyos 1960, a suya influencia trescruzó mesmo as mugas d'o jazz con a musica popular d'o suyo país, estando prou reconoixible en cuantos cataires y musicos de musica pop d'ixas envueltas.

As suyas primeras anyadas[editar | modificar o codigo]

Louis Armstrong naixió en una familia pobre d'a ciudat de Nueva Orleans, en o estau de Loisiana, o 4 d'agosto de 1901. A suya infancia estió marcata por l'ausencia de su pai, William Armstrong, qui albandonó a familia cuan Louis yera muit chicot. En creixer en un ambient y en un barrio prou difícil, o choven Louis fue ninviato cuantas vegatas a centros ta ninos de color albandonatos (Home for Colored Waifs), encara que no en estar albandonato, sino en razón de chicoz actos de delincuencia. Estando internato en iste centro, aprendió a tanyer o suyo primer instrumento musical, un instrumento que pagó a familia Karnofsky, una familia d'orichen chodigo ruso que s'heba intresato por o choven Louis.

Dimpués, asistió a ormino a las actuacions d'as brass bands, mesmo que ascuitaba a sobén a los musicos d'ixas envueltas, aprendendo asinas d'oyiu de musicos como Bunk Johnson, Buddy Petit y mas que mas de Joe «King» Oliver, qui estió o suyo mentor, plegando mesmo a fer-ne d'o pai que Louis no heba conoixito. Tamién prencipió a tanyer en bellas brass bands en os barcos d'o río Mississippi, en o que estió t'a suya musica equivalent a una "universidat" en a cual inició a suya formación musical. Asinas, cuan Joe Oliver albandonó a ciudat de Nueva Orleans en 1919, Louis Armstrong lo substituyó en o suyo puesto en a orquesta de Kid Ory, que en ixe inte yera considerata como a milor orquesta de hot jazz de Nueva Orleans.

Os inicios d'a suya carrera[editar | modificar o codigo]

En 1922, Louis Armstrong se tresladó enta a ciudat de Chicago, dimpués de recibir una invitación de Joe «King» Oliver ta dentrar a fer parte d' suya banda, dita Creole Jazz Band, que yera a banda de hot jazz con mas influencia en a ciudat de Chicago, que en ixas envueltas (primerías d'os anyos 1920) yera a ciudat capital d'o jazz. Asinas, en 1923 se facioron as primeras gravacions de Louis Armstrong, fendo parte d'a banda de Joe Oliver con a función de segundo trompetista; istas gravacions encluyen bels solos y tamién bellas improvisacions.

Louis Armstrong ya se contentaba con tanyer en a banda de Joe Oliver, pero a suya muller, a pianista Lil Hardin Armstrong, li deciba que li caleba treballar con atros artistas, como meyo ta amillorar a suya carrera artistica. Asinas, en 1924 Louis se deseparó de Joe Oliver (encara que continó mantenendo-ne l'amistat) y se treslado enta la ciudat de Nueva York ta tanyer en a orquestra de Fletcher Henderson, que yera en ixas envueltas una d'os grupos mas conoixitos d'a musica afro-americana. Tamién fació en ixe inte muitas gravacions, que li preparaba uno d'os suyos antigos amigos de Nueva Orleans, o pianista Clarence Williams, encluyendo-ie fragmentos ta orquestas de jazz (mesmo duos con Sidney Bechet, uno d'os pocos artistas que son a o suyo ran en cuanto a tecnica musical) y tamién bels acompanyamientos ta cantaires de blues.

En 1925 tornó enta Chicago y fació gravacions con o suyo nombre, como Louis Armstrong and the Hot Five y Louis Armstrong and the Hot Seven, con exitos como as suyas cancions Potato Head Blues, Muggles (que tractaba sobre a mariguana, un tema sobre o cual Armstrong tenió intrés mientres toda a suya vida), West End Blues u Tight Like This; istas gravacions estioron un punto de referencia en o mundo d'o jazz mientres muitas anyadas, y a suya introducción de trompeta en West End Blues contina estando una d'as mas conoixitas improvisacions d'a historia d'o jazz.

En 1964, Armstrong grabó o disco Hello, Dolly, que incluyiba a canción d'o mesmo nombre una d'as cancions mas famosas y conoixitas y Jeepers Creepers atro tema considerato un clasico. A canción Hello, Dolly estió numero uno en as listas d'Estaus Unius por dencima de The Beatles. Por iste disco Armstrong recibió o Premio Grammy ta o Millor Cantaire Masculín y nominato ta o Millor Disco de l'anyo.

Louis Armstrong tenió problemas cardiacos en 1959, d'os que se recuperó ta seguir tocando. Amstromg continuó tocando dica os zaguers diyas d'a suya vita dica que l'anyo 1971 tenió atra vegata problemas en o corazón descansando dos meses. O 5 de chulio d'ixe mesmo anyo tornó a tocar con a suyo grupo y morió o diya siguent mientres dormía.

Discografía[editar | modificar o codigo]

  • 1923: Louis Armstrong and King Oliver, (Milestone).
  • 1923: Clarence Williams' Blue Five, (CSB).
  • 1928: Hot Fives And Sevens, Vol. 3, (JSP).
  • 1931: Stardust, (Portrait).
  • 1933: Louis Armstrong Sings the Blues, (RCA).
  • 1947: Satchmo at Symphony Hall, Vol. 2 [live], (Decca).
  • 1949: Satchmo Serenades, (Polygram Records).
  • 1951: Satchmo at Pasadena [live], (Decca).
  • 1954: Louis Armstrong Plays W.C. Handy, (Columbia/Legacy).
  • 1955: Louis Armstrong at the Crescendo, Vol. 1 [live], (Decca).
  • 1955: Ambassador Satch, (Columbia/Legacy).
  • 1955: Satch Plays Fats: The Music of Fats Waller, (Sony).
  • 1955: Satchmo the Great, (Sony).
  • 1956: Ella and Louis, (Polygram Records).
  • 1956: Pasadena Civic Auditorium June 20, 1956, (Giants of Jazz).
  • 1957: Porgy & Bess, (Polygram Records).
  • 1957: Ella and Louis Again, (Polygram Records).
  • 1957: Louis Armstrong Meets Oscar Peterson, (Polygram Records) .
  • 1957: Louis and the Angels, (Umvd Labels).
  • 1959: The Five Pennies, (Decca).
  • 1960: Happy Birthday, Louis! Armstrong & His All-Stars, (Omega).
  • 1960: Satchmo Plays King Oliver, (Varese Sarabande).
  • 1961: Together for the First Time (With Duke Ellington), (Roulette).
  • 1963: Hello, Dolly!, (Mca).
  • 1968: What a Wonderful World, (Verve).
  • 1968: Disney Songs the Satchmo Way, (Disney).
  • 1969: On Her Majesty's Secret Service (Capitol).
  • 2002: The Best of Louis Armstrong: The Hot Five and Seven Recordings, (Columbia/Legacy).
  • 2002: Satchmo Live, (Orpheus Records).
  • 2006: Complete New York Town Hall & Boston Symphony Hall Concerts, (DeFinitive).

Bibliografía[editar | modificar o codigo]

Referencias[editar | modificar o codigo]

  1. Acronimo de satchel-mouth.

Vinclos externos[editar | modificar o codigo]