Lorenzo Normante y Carcaviella

De Biquipedia
Ir a la navegación Ir a la búsqueda
Lorenzo Normante
Información personal
Calendata de naixencia 9 d'agosto de 1759
Puesto de naixencia Berdún, Flag of Aragon.svg Aragón
Calendata de muerte Esconoixida
Ocupación profesor universitario, economista

Lorenzo Normante y Carcaviella estió un economista aragonés, naixiu de Berdún o 9 d'agosto de 1759. Estió catedratico de Economía Civil y Comercio en a Real Sociedad Económica Aragonesa de Amigos del País, a primera catedra d'economía politica que se creyó en Espanya.[1]

Estudió en a Universidat de Uesca, an que obtenió o títol de Bachiller en Cánons (Dreito canonico) y en a Universidat de Zaragoza, an que obtenió o Bachiller en Leis y o doctorau en Cánons. Estió miembro d'a Real Sociedad Económica Aragonesa de Amigos del País dende febrero de 1781, estando o suyo secretario segundo.

En 1784, a Real Sociedad Económica de Amigos del País creyó a catedra d'economía civil y comercio, publica, libre y gratuita, fendo se'n cargo como catedratico Lorenzo Normante. Normante atacaba o inmobilismo economico d'a nobleza feudal aragonesa y os biens en mans muertas y por ixo fue atacau por os sectors más reaccionarios.[2]

En noviembre de 1786, mosén Diego José de Cádiz, flaire capuchino y pedricador reaccionario, miró de desacreditar a la Sociedat Economica, y denunció debant d'a Enquesición belunas d'as amostranzas de Normante, consideradas hereticas. Seguntes él, Lorenzo Normante esfendeba o luxo y a usura y qüestionaba bells aspectos d'a Ilesia, como a dentrada en relichión d'os menors de vint y quatre anyos u o celibato relichioso. Gracias a o refirme d'o conde de Floridablanca, Campomanes u Félix de O'Neille, consiguió esfer ixas calumnias.[2]

En 1801 marchó ta Madrit ta ocupar una plaza d'oficial en a Secretaría d'Estato. No se conoix a calendata d'a suya muerte.

Ye autor de bells libros sobre Economía, en os que replegó ideyas d'atros autors: Discurso sobre la utilidad de los conocimientos económico-políticos (1784), Proposiciones de economía civil y comercio (1785) y Espíritu del señor Melón (1786).

Referencias[editar | editar código]

  1. (es) Lorenzo Normante y Carcavilla en a Gran Enciclopedia de Aragón OnLine.
  2. 2,0 2,1 (es) Lorenzo Normante en: Aragoneses Ilustres (II). Caja de Ahorros de la Inmaculada. Obra colectiva dirichida por Guillermo Fatás. 1985. ISBN 84-505-1096-1.