Linache d'os Zapata

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Los Zapata son una familia infanzona aragonesa con orichen en Uncastiello y dimpués establida en Calatayú en tiempos de la reconquiesta. Beluns de los Zapata de la reconquiesta yeran caballers mesmaders. Los Zapata de Calatayú son citaus dende 1259, con lo nombre de Chuan de Zapata, Chusticia d'Aragón.

Pero Sánchez Zapata u Pero Sánchez de Calatayú estió sinyor de las baronías de Valtorres y La Viluenya, participó en la conquiesta de Valencia en tiempos de Chaime I d'Aragón, y se quedó en este reino dimpués de la conquiesta, lo que suposó l'aparición d'una branca valenciana d'este linache en lo sieglo XIII. Los zapata valencianos estioron senyors de Provencio, El Real, Pedralba y Montserrat.^[1]

Las armas heraldicas emplegadas son por un regular un escudo de gules con tres zapatos chaquelaus d'oro y sable y una orla con ueito escudez d'oro con una banda de sable cadagún. Bi ha atras representacions posibles, como las que han feito servir los contes de Barajas, bel Zapata bispe de Zamora, y cualques Zapatas de Valtorres y La Viluenya.