Liestra

De Biquipedia
(Reendrezato dende Liastra)
Ir a la navegación Ir a la búsqueda
Este articlo trata sobre las liestras d'as espigas d'os cerials. Ta la baixant petrosa d'una montanya se veiga Lastra (orografía).
Liestras d'una espiga d'hordio.

As liestras u llestras son os filamentos luengos y sesils, prolargacions naturals d'a palluza (gluma) que recubre individualment cada gran, que escapan d'a espiga de qualques especies de plantas en a orden Poales. Bi ha especies domesticas, como l'hordio, que'n tienen en as suyas espigas; altras como o trigo no.

En a trilla, as liestras se deseparaban d'o gran con a resta d'a pallata, pos as lascas d'o trillo trencaban a palluza y libraban o gran y a liestra gosaba quedar en o palluz de desperdicio. Dempués d'a trilla as liestras se volan perque no sirven ta dar-le-ne a o bestiar, per estar masiato duras y filamentosas y no tener alimento.

Se veiga tamién[editar | editar código]