Landas de Gascunya

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

As Landas de Gascunya (en occitán Lanas de Gasconha) son una rechión tradicional de Gascunya, en Occitania (Francia). Se troban entre o estuario de Gironda a o norte y o río Ador a o sud, y son banyatas por a costa de l'oceano Atlantico. Son formatas por a Landa Gran, o Marensin, o Maremne, o País de Bòrn, as Landas Chicotas en o departamento d'as Landas, y tamién, en Gironda, o Medòc landés, l'Alta Landa girondina, o País de Buc y una chicota parti d'o departamento d'Òlt y Garona.

O chentilicio ye landés,-esa u lanusquet, a (peyorativo). En Medòc tamién se diz landescòt, a.

Desembolique

D'antis mas yeran una rechión de paúls y almarchals. En zaguerías d'o sieglo XVIII y o sieglo XIX, prencipió un intenso proceso de transformación por parti d'o ser humán que con o que a rechión se convirtió en una gran selva que s'emplegó en a industria d'a fusta.

En l'anyo 1970 se creya o Parque Natural Rechional d'as Landas de Gascunya, aria de protección d'os pinars d'as Landas.

A Costa d'Archent ha tenito un desembolique turistico important, mas que mas en as localidaz d'Arcaishon, Mamisan, Òssagòr, La Canau y Cap Berton.