Costa d'Archent

De Biquipedia
Ir a la navegación Ir a la búsqueda
Paisache d'a Costa d'Archent en a localidat de La Canau.

A Costa d'Archent (en occitán, Còsta d'Argent, en francés, Côte d'Argent), tamién dita Costa Aquitana (Côte Aquitaine) u Costa d'as Landas (Côte Landaise) ye o nombre toristico que recibe a costa banyada por l'Ocián Atlantico, en o golfo de Vizcaya u de Gascunya, en a rechión d'Aquitania, a o sudueste de Francia, que s'estendilla entre os departamentos de Gironda y d'as Landas, dende o estuario d'a Gironda dica a desembocadura d'o río Ador, puerta norte d'a Costa Vasca. En ista zona d'o litoral se troban os grans lacos landeses.

Orichen d'o nombre[editar | editar código]

Con a naixencia a partir d'a segunda metat d'o sieglo XIX d'a cultura d'o turismo d'as estacions balneyarias francesas, destinato a las clases mas acomodatas d'Europa, amaneixioron as iniciativas ta distinguir con denominacions atractivas a cadagún d'os prencipals destins.

Asinas, dende 1887 a costa provenzal oriental, dica alavez dita Riviera de Niza u Riviera de Chenova, prencipió poquet a poquet a conoixer-se con o nombre de Costa Azul, proposato por o escritor Stéphen Liégeard qui lo fació servir ta o títol d'a suya obra Côte d'Azur, inspirando-se en o termín heraldico «azur» (azul).

Poco dimpués, en 1894, a costa de Bretanya situata entre Kankaven y o cabo Fréhel, amán de Saint-Malo, se agrupó baixo a denominación de Costa Esmeralda (Côte d'Émeraude), por iniciativa ista vegata de l'advogato Eugène Herpin.

En 1905, o periodista y poeta Maurice Martin baptizó en un articlo as plachas d'o País de Bòrn como «Côte d’Argent», 'Costa d'Archent', esprisión inspirata en os reflexos d'archent que presenta a superficie de l'Atlantico en l'amaneixer y a boca de nueit y que poquet a poquet será emplegata ta decir a la mayor parti d'o litoral aquitán. A su propuesta fue anunciata publicament o 20 de marzo de 1905 en Mamisan, debant d'atros periodistas y personalidatz locals.

Localidatz[editar | editar código]

Mapa d'a Costa d'Archent.

De norte ta sud:

Gironda
Landas

Se veiga tamién[editar | editar código]

Bibliografía[editar | editar código]

  • Marc Boyer, L'Invention de la Côte d'Azur : l'hiver dans le Midi, préface de Maurice Agulhon, 378 pages, Édition de l'Aube, 2002, ISBN 2-87678-643-5

Vinclos externos[editar | editar código]