La Paz (Zaragoza)

	La Paz
	Barrio de Zaragoza
	; Parque de la Paz
Entidat; • País; • Ciudat; • Districto	Barrio; Aragón; Zaragoza; Torrero-La Paz
Codigo postal	50.007
Carreras prencipals	Oviedo, Orense, Lugo
	; Districto de Torrero-La Paz

Iste articlo ye sobre un barrio de Zaragoza. Ta atros usos se veiga La Paz (desambigación).

La Paz ye un barrio d'a ciudat de Zaragoza situau en o districto de Torrero-La Paz. Muga a l'ueste con Torrero, a o norte con os barrios de Sant Chusé y Las Fuents y a o sud con os municipios de Cuart de la Uerba, María de la Uerva, Cadret, Val Madriz y Mediana d'Aragón.

Historia

O barrio de la Paz naixió a metat d'os anyos 1940. Entre os suyos primers habitants i heba muitos andaluces. O nombre d'o barrio se debe a mosén Emilio Pérez Vidal^[1], qui cedió cuantos terrenos en os que se construyioron casetas, que se dividiban en parcelas. Dende os anyos 1950 y dica 1978 mas de cient familias chitanas pobloron a zona d'o barrio conoixida como Las Graveras, a o norte d'o barrio chunto a la Canal, a on se troba dende 1991 l'actual parque de la Paz^[2].

Ye un barrio reconoixiu en a ciudat como un d'os de mayor impulso popular, parando cuenta amás a la suya chicota grandaria. Actividaz y asociacions culturals han trobau en iste barrio un amplo refirme en os zaguers anyos. En o quiosco situau en a Rotonda Villa de Pau, important eixe d'o barrio, se celebran conciertos y actividaz a l'aire libre.

En a primera decada d'o sieglo XXI, en plena bambolla immobiliaria bellas empresas constructoras comproron muitas parcelas pa construir bloques de pisos y adosaus, cambeyando de tot a fisionomía d'o barrio.

En l'actualidat o barrio de la Paz ha saliu d'o distanciamiento historico que sofriba gracias a os cinturons de circumvalación (Z-30) que lo amanan a la resta d'a ciudat y a la construcción en a suya redolada d'o complexo d'ocio y comercio de Puerto Venecia, a on se troba dende l'anyo 2007 o establimiento d'a multinacional IKEA mas gran d'Espanya, amás d'a nueva comisaría central d'a policía local de Zaragoza.