Juan Maluquer de Motes

De Biquipedia
Ir a la navegación Ir a la búsqueda
Juan Maluquer de Motes i Nicolau
Información personal
Calendata de naixencia 1915
Puesto de naixencia Flag of Catalonia.svg Barcelona (Barcelona, Catalunya)
Calendata de muerte 1988
Puesto de muerte Flag of Catalonia.svg Artesa de Segre (Leida, Catalunya)
Ocupación Arqueologo y prehistoriador

Juan Maluquer de Motes i Nicolau, naixito de Barcelona (Barcelona, Catalunya) en 1915 y muerto en Artesa de Segre (Leida, Catalunya) en 1988, estió un arqueologo y prehistoriador catalán, con importants treballos en a Prehistoria y a Historia antiga d'a peninsula iberica.

Anyadas de formación[editar | editar código]

Juan Maluquer de Motes estudeó Filosofía y Letras (branca d'Historia) en 1931-1936 en a Universidat de Barcelona, a on estió alumno de mayestros como Pere Bosch Gimpera u Lluís Pericot i García.

Vida profesional[editar | editar código]

En 1939, en rematar a Guerra Civil espanyola, dentró en a Universidat de Barcelona, pa treballar con o catedratico impuesto por o nuevo rechimen franquista, Martín Almagro Basch. En 1949 ganó a catedra de Prehistoria d'a Universidat de Salamanca, ta esdevenir en 1958 catedratico d'Arqueolochía en a Universidat de Barcelona. En chubilar-se Lluís Pericot i García, en 1969, esdevenió catedratico de Prehistoria en ista mesma Universidat dica a suya propia chubilación en 1985.

En istas anyadas establió quantas revistas scientificas sobre as suyas arias tematicas de treballo, y estió amás decán d'a Facultat de Filosofía y Letras.

Antiparte, fació treballos de campo en muitos chacimientos arqueolochicos, como os chacimientos d'Alto de la Cruz (en Cortz, Navarra), Puig de Sant Andreu (Ullastret, Catalunya), Molí de l'Espígol (Tornabous, Catalunya), La Palma (Tortosa, Catalunya), Santa Bàrbara (Mianes, en Vinallop, Tortosa) u Cancho Roano (Zalamea de la Serena, Estremadura).