Josep Carles Laínez

De Biquipedia
Ir ta: navego, busca
Josep Carles Laínez
Información personal
Calendata de naixencia: 1970
Puesto de naixencia: Flag of the Land of Valencia (official).svg Valencia
Ocupación: Escritor
Conchuche: Rosa María Rodríguez Magda
Sitio web: Pachina en aragonés de Josep Carles Laínez

Josep Carles Laínez ye un escritor y articulista en luenga aragonesa y castellana naixito en 1970 de Valencia.

Os suyos orichens familiars son en Ferreruela de la Uerba, (Teruel), en Millana (Guadalachara) y en l'Alto Palancia, una d'as comarcas churras en do se charra l'aragonés repuyal común a tot o sud d'Aragón. Ye por ista necesidat de tornata enta o propio por o que, en un largo proceso que escomencipió en 1984, tornó ta la suya luenga mai y la consideró dende allora a suya luenga literaria por excelencia.

Licenciato en Filolochía Valenciana, Espanyola y en Comunicación Audiovisual, estió un d'os miembros fundadors, en agosto de 1989, d'a Colla de Fablans d'o Sur d'Aragón, asinas como redactor d'a revista Ruxiada, que surtió pocos meses dimpués d'o que simbolizó ixa fita de revitalización de l'aragonés ta las zonas meridionals d'Aragón.

Os suyos primers poemas amaneixión en a debandita publicación, "Canta trista", sobre os qualos fizo un emponderato articlo en o Diario de Teruel o cretico Juan Manuel Vera Selma. De a mesma traza, a revista publicata por o Rolde d'Emigrants Aragoneses en Valencia, Rechitos, dio a la luz a suya breu replega "Orache ta prencipiar a primabera", asinas como atros poemas, narracions y articlos. En 1991, publicó o suyo primer poemario en volumen, En o gudrón espígol xuto, drentro de Sud Edicions de Teruel. Se tracta d'un conchunto d'once poemas an que tienen una especial predominancia os elementos sadomasoquistas y de cierta violencia erotica.

En 1992, obtenió un accésit en o Premio "Ana Abarca de Bolea" por o suyo libro Peruigilium Veneris, que estió editato l'anyo siguient por o Consello d'a Fabla Aragonesa, asociación d'a quala Laínez en fa parte, gracias a la solicitut de Francho Nagore Laín, dende 1993. Peruigilium Veneris ye un conchunto de prosas poeticas que han como fundo a fegura d'a poetisa griega Safo, encara que dende una anvista contemporania.

Dica l'anyada 1998, no tornó a dar a la imprenta un nuevo poemario, Bel diya, tamién accésit en o VIII Premio de Poesía "Ana Abarca de Bolea". Bellos poemas d'a sección "Bayía de San Francisco" han conoixito traducions enta o estonio y o italiano. Drento d'o campo d'a narrativa, en 1995, o Consello d'a Fabla Aragonesa publicó a suya novela curta A besita de l'ánchel, texto pro experimental sobre a fegura d'o papa Silvestre II. O suyo zaguer libro en aragonés dica agora ye Deseyos batalers, de 1999, an que replega os articlos que beyoron a luz en o periodico Siete de Aragón. Escribe tamién dende metat d'a decada d'os novanta en a variedat de l'aragonés repuyal de Caudiel, o suyo lugar.

Obras[editar | editar código]

  • En o gudrón espígol xuto (1989).
  • Peruigilium Veneris (1992).
  • Bel diya (1998).
  • A besita de l'ánchel (1995).
  • Deseyos batalers (1999).
  • Dionysiaka (1995).
  • Del luxe del ras vora les fraules (1999).
  • Trànsits (2000).
  • Anxia (2001).
  • Berlín (2001).
  • Memorial (2001).
  • El naixement de la platja (2001).
  • Umbrae (2002).
  • Lux (2003).
  • Sacra (2003).

Vinclos externos[editar | editar código]

Blogs[editar | editar código]