Ir al contenido

José Rodrigo y Villalpando

De Biquipedia
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
José Rodrigo y Villalpando
Información personal
Calendata de naixencia 1688
Puesto de naixencia Zaragoza (Comarca Central, Aragón)
Calendata de muerte 7 d'aviento de 1741
Puesto de muerte Madrit

José Rodrigo y Villalpando, I marqués d'a Comuerta (Zaragoza, 1668Madrit, 7 d'aviento de 1741) estió un politico espanyol.

Biografía[editar | modificar o codigo]

Estió fillo de Pedro-Lorenzo Rodrigo y Arnal, sinyor de Bescós, Villacampa y Pradilla, natural de Biarche (Uesca), y de Vicencia de Villalpando y López de Baylo (filla d'o primer conte de Torres Secas). Procedeba d'una familia infanzona aragonesa orichinaria d'a localidat de Biarche, en an tienen a suya casa familiar. Su pai (Pedro-Lorendo Rodrigo) y o suyo lolo (Pedro Rodrigo y Rodrigo) estioron destacaus churistas en o sieglo XVII.

Estudió arte y churisprudencia en a Universidat de Zaragoza para estar designato en 1690 Oidor d'a suya Reyal Audiencia, Degán d'o Colechio d'Avogatos de Zaragoza y en 1699 Lugartenient en a Corte d'o Chusticia d'Aragón en 1699 y avogato fiscal y patrimonial d'o mesmo reino.

Libró a embaixada en París por encargo de Felipe V en as zaguerías d'a Guerra de Succesión Espanyola entre os anyos 1711 a 1717. O 2 d'abril de 1717 se le designó secretario d'Estau y d'o despacho universal de Fazienda y Gracia y Chusticia, puesto que ya ocupó dica l'1 d'aviento de 1720.

En 1717 o Rei le fació chentilombre de cambra y marqués d'a Compuesta. Negoció dimpués en 1737 o concordato con a Santa Seu. En 1740 fundó una Biblioteca publica en o convento de pedricadors de Sant Ildefonso de Zaragoza.

Contrayó matrimonio con Antonia de Oblitas y Los Ancos Lanaja y Mendoza, sinyora d'Oblitas.

Entre as suyas obras fegura a Veridica esfensa d'os mas importants privilechios d'o reino d'Aragón.

Bibliografía[editar | modificar o codigo]