Islas Shetland

De Biquipedia
Translate icon.svg Iste articlo ye escrito con as normas graficas EFA. Si quiers, puez aduyar cambiando a la grafía oficial de Biquipedia y sacando dimpués ista plantilla.
Bandera d'as Islas Shetland
Mapa d'as Islas Shetland

As islas Shetland (Sealtainn en gaelico escocés, Hjaltland en norn) son un grupo d'islas de l'oceano Atlantico septentrional situatas entre as islas Feroe, ta o sudueste de Noruega, y Gran Bretanya. Con una latitut bell poquet por dencima d'os 60º N, representan a estrimera septentrional d'o Mar d'o Norte. Administrativament son uno d'os 32 condatos d'Escocia.

As islas tienen un total de 1469 km² de superficie, con una población de bells 22.000 habitants, d'os que bells 7.000 viven en Lerwick, a capital.

O clima ye humido y fresco (anque suavizato por a influencia d'a corrient d'o Golfo). Lerwick acumula 1.140 mm en 181 días de precipitación por anyada. As temperaturas, sin guaires variacions anyals (por a suya latitut), son de 7 °C de meya, con 12 °C en chulio y agosto, y 3 °C en chinero y febrero.

Historia y cultura[editar | modificar o codigo]

Os vikingos noruegos arriboron en las Islas Sealtainn a principios d'o sieglo VIII y dimpués de colonizar-las sirvioron como escala pa atras expedicions. Dende estas islas plegoron a las Islas Feroe arredol de l'anyo 800[1]

Dimpués de fer parti de Noruega en a Edat Meya, as islas pasoron a la corona escocesa o 20 de febrero de 1472. En a Segunda Guerra Mundial, barcas procedents d'as islas Shetland proporcionoron aduya a la Noruega ocupata, y acullioron fuyitivos.

Como luenga d'a población, l'antigo norn d'orichen escandinavo (evolución local d'o norrén antigo d'os vikingos), fue sustituito por l'anglico escocés, agora retaculando debant de l'anglés.

Referencias[editar | modificar o codigo]

  1. Jean Sellier. Atlas de los pueblos de Europa Occidental. Editorial Paidós. pp177