Isla de Mokoia

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Isla de Mokoia Mokoia Island
Mokoia baixo a tronada, vista dende o sud
Localizazión
Estau	Nueva Zelanda
Archipelago	Nueva Zelanda
Laco	Rotorua
Cheografía
Superficie	1,35 km²
Punto más alto	180 m
Mapa
Situación d'a Isla de Mokoia

A isla de Mokoia (en anglés Mokoia Island) ye una isla situada en o laco Rotorua en Nueva Zelanda. Tien un aria de 1,35 kilometros cuadraus. A isla ye un domo de lava de riolita que se devanta 180 metros sobre a superficie d'o laco. Se formó dimpués de que a caldera de Rotorua s'espaldase y o magma riolitico surtise a traviés d'as crepazas. Una d'istas crepazas yera chusto debaixo d'a on hue se troba a isla de Mokoia. As costas d'a isla encara rechistran actividat cheotermal, con pozos calients d'augua que forman a piscina de Hinemoa, conoixida por os locals como Waikimihia. Tamién tien una rica tierra volcanica, aproveitada d'antis mas por os maorís ta o cautivo d'a "kumara", una variedat de trunfa dolza. Yera tamién una muit buena posición estratechica, por o que estió a sobén puesto de barallas.

A isla de Mokoia ye privada y perteneixe actualment a l'iwi maorí local, que la chestiona chunto a o Departamento de Conservación de Nueva Zelanda. Ye un santuario d'aus y l'acceso ye amugau a tours organizaus. Astí se troban cuantas especies raras d'aus, incluyindo o kōkako d'a Isla d'o Norte, o kiwi marrón d'a Isla d'o Norte, y una población en cría d'o tieke d'a Isla d'o Norte, especie menazada.^[1]

A isla ye también un puesto regular de celebración de campos de entrenamiento de mau rākau, arte marcial maorí, con l'uso d'a taiaha como arma.