Isaac Oliver
| Isaac Oliver | |
|---|---|
 Miniatura d'una muller desconoixita, obra d'Isaac Oliver. |
|
| Información personal | |
| Calendata de naixencia | Arredol de 1565 |
| Puesto de naixencia |  Ruán (Normandía) |
| Calendata de muerte | 2 d'octubre de 1617 |
| Puesto de muerte |  Londres (Anglaterra) |
| Ocupación | Pintor y miniaturista |
Isaac Oliver, naixito de Ruán (Normandía, hue Alta Normandía) arredol de 1565 y muerto en Londres (Anglaterra) o 2 d'octubre de 1617, estió un pintor y miniaturista anglés d'orichen francés.
Contenius
Naixencia y exilio[editar | editar código]
Naixito en Ruán arredol de 1565 fillo de Pierre y Épiphanie Oliver, de relichión protestant, a suya familia fuyó en 1568 ta Anglaterra ta escapar d'as Guerras de Relichión de Francia.
Anyadas de formación[editar | editar código]
En Anglaterra estudeó l'arte d'a miniatura con Nicholas Hilliard, y dimpués creyó o suyo propio estilo artistico, muy naturalista con influencias d'Italia y Países Baixos.
Matrimonios y fillos[editar | editar código]
D'un primer matrimonio con Elizabeth, bi habió a Peter Oliver, que estió tamién pintor, encara que en as colonias britanicas en America (os actuals Estatos Unitos). Dimpués d'a muerte en 1599 d'Elizabeth, casó con Sara Gheeraerts, filla de Marcus Gheeraerts o Viello y de Susannah de Critz (Susannah yera filla de Troilus de Critz, un orfebre d'Anvers familia de Jean de Critz, o pintor de cambra d'a reina Isabel I d'Anglaterra; amás Susannah yera a chirmana u a prima mayor de Madeleine de Critz, que casó con Marcus Gheeraerts o Choven).
Pintor de cambra[editar | editar código]
Dimpués d'a muerte d'a reina Isabel I, Oliver esdevenió o pintor de cambra de Chaime I d'Anglaterra.
Obra[editar | editar código]
A suya obra ye conservata en o castiello de Windsor u en o Museu Britanico.
Vinclos externos[editar | editar código]
Se veigan as imáchens de Commons sobre Isaac Oliver.
