Iniziatiba Internazionalista

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Iniziatiba Internazionalista - A Solidaridat entre os Pueblos
Coalición de partius independentistas
Datos chenerals
Líder	Alfonso Sastre
Periodo	{{{periodo}}}
Establiu	Eleccions a lo Parlamento Europeu de 2009
Desaparición	{{{desaparición}}}
Seu
Ideolochía	Ezquierda extrema, anticapitalismo, internacionalismo
Colors	Roya y blanca
Ambito politico
Estau	Espanya
País	{{{país}}}
Comunidat autonoma	{{{ccaa}}}
Rechión	{{{rechión}}}
Coalición de	Izquierda Castellana Comuner@s
Afillatura europea
Afillatura internacional
Partiu politico	{{{partiu}}}
Chovenalla
Web
Web	Pachina oficial

Iniziatiba Internazionalista – A Solidaridat entre os Pueblos (en grafía de Uesca modernizata; Iniciativa Internacionalista – A Solidaridat entre os Pueblos en grafía de l'Academia de l'Aragonés) ye una organización politica creyata con la fin de presentar a suya candidatura a las eleccions a lo Parlamento Europeu de 2009 y con a intención de treballar más allá d'as citas electorals.

Ista candidatura ye una coalición de Izquierda Castellana y Comuner@s, y conta con o refirme d'Iniciativa Comunista, Lucha Internacionalista, Cucha Independentista Aragonesa, Corriente Roja, Frente Popular Galega, IU de Bigastro y Nova Esquerda Socialista, entre altras.

Ideolochía

Cartel en aragonés

S'autodefine como una unión d'as fuerzas sobiranistas y independentistas d'ezquierdas, as fuerzas politicas d'a ezquierda estatal respectuosas con os dreitos nacionals d'os diferents pueblos oprimitos por o Estato espanyol, asinas como de importants movimientos socials y sendicals.

O suyo programa se reduce en cinco puntos, seguntes o manifiesto feito publico en a presentación d'a candidatura o 17 d'abril:

• Chusticia social. Que a crisi la bosen qui la han provocada: os capitalistas. O capitalismo espanyol tiene rasgos agresivos que rabian, como a firme precariedat laboral, causa d'a mayor tasa d'ature y d'empleo eventual d'a UE. Y agora a pretensión d'o sistema ye puyar unatro escalón mas en o relativo a la explotación y a os retallos socials. A chent que refirmamos iste manifiesto nos comprometemos a empentar a movilización ta frenar ditos propositos, exichindo un plan de rescate d'os treballadors, sin miedo a proposar ta ello mesuras anticapitalistas.
• Libertaz democraticas plenas. Somos comprobando cómo, china chana, se van retallando os ya de por sí retallaus dreitos civils existents, tals como o dreito a la no discriminación por razons ideyolochicas, de luenga y cultura, d'edat u de chenero. O dreito a la libre expresión, o dreito a no estar represaliau, torturau u procesau por as propias ideyas. O dreito a votar y ser votau. O Estau espanyol no rispeta a sobiranía d'as diversas nacions baixo a suya churisdicción ni d'o conchunto d'os pueblos. I hai un tarabidau churidico-politico creyau en a transición que ha tornau a l'Estau en una garchola de pueblos y de chent, asinas como en un pozo de corrupción.
• No a la discriminación de chenero. Pero no como nomás un enunciau formal y vuedo de conteniu, sino como una exichencia normativa, churidica y practica que posibilite realment a fin d'a discriminación. Lo cual bi incluye, entre atras cosas, o dreito y a posibilidat real de control d'as mullers sobre o suyo cuerpo, a suya sexualidat y a suya capacidat reproductiva.
• Dreitos politicos. Reivindicamos os dreitos negaus por o rechimen actual, entre lo que cal destacar o dreito de toz os pueblos de decidir de traza sobirana o suyo esvenidero, y no como un feito isolau sino como un dreito cutiano, ye dicir o dreito d'autodeterminación. O dreito de cada pueblo a decidir as suyas trazas de gubierno y a la normalización d'a suya luenga y a suya cultura nacional.
• Contra a Europa d'o capital. Somos en contra d'a Europa d'o capital y a favor d'a Europa d'os pueblos. Somos en contra d'a OTAN como expresión militar d'o imperialismo y, por tanto, exichimos a retirada de l'Estau espanyol de dita alianza militar. Somos en contra d'a especulación y o medio ambient malmeso. Somos por a esfensa d'a sobiranía alimentaria y d'o colectivo en contra d'o privau.

Impugnación d'a candidatura

O Tribunal Supremo d'Espanya anuló lo sabado 16 de mayo de maitinada, por 11 votos a cinco, a candidatura a lo Parlamento Europeu por considerar-la la Fiscalía Cheneral y l'Abogacía d'o Estado que a lista ye supuestament "pilotata" por ETA/Batasuna., encara que a propia Iniciativa Internacionalista y a ezquierda abertzale negoron ista relación. Asinas se convirtió en a oncena formación impugnata dende 2003 por a suya relación con ETA, y a primera no basca.

A la fin o Tribunal Constitucional anuló a decisión d'o Supremo, afirmando que no bi ha garra preba que relacione a Iniciativa Internacionalista con ETA.

Vinclos externos

• (an)(ast)(ca)(es)(eu)(gl)www.IniciativaInternacionalista.org, pachina web oficial

• Datos: Q3298169
• Multimedia: Politics of Spain / Q3298169