Iliria

Iste articlo ye escrito con as normas graficas EFA. Si quiers, puez aduyar cambiando a la grafía oficial de Biquipedia y sacando dimpués ista plantilla.

Aria on aproximadament viviban os ilirios en l'antiguedat

Iliria ye una rechión historica correspondient a la costa oriental d'a Mar Hadriana y as arias montanyosas de l'interior, correspondendo en gran mesura a las actuals Dalmacia y Bosnia-Herzegovina. Os suyos habitants d'a Edat de Fierro estioron os ilirios, que coexistiban con as colonias griegas d'a costa. Ilirios y griegos se romanizoron quan l'Imperio Romano y dende o sieglo VII s'eslavizoron. Os romanos creyoron una provincia romana en este territorio con o nombre d' Illyricum.

As principals colonias griegas que bi heba en Iliria yeran Epidamno (fundata en l'anyo 627 aC), Apolonia, (fundata en l'anyo 600 aC), Corcira la Negra, Lisos y Faros (Hvar).

Mencions en fuents aragonesas

En a traducción herediana de "Historia Langobardorum" de Paolo Diacono los mencionan Illiria:

Et ya sea que los Romanos tuviesen dos provincias subiugadas(a) ultra lo Reno(b), clamaron aquellas Germania sobirana iusana et de aquesta Germania así poblada ixieron gens sovén las quales tribularon grant partida de Asia et mayorment Europa así contigua. De aquesto fazen testimonio toda Illiria et Gallia et mayorment Ytalia mesquina, la qual aýna ha esprovada la qualdat de todas aquellas gentes, car los Godos et los Vandalos, Rugos et Turcilnigos et los otros ferestegues et barbres nascions partieron de Germania. Semblantment la nación Gueinlos, co es de los Lombartes fué multiplicada la qual después tu /f. 90v/ vo benevuyradament el reno de Ytalia. Partió de los pueblos de los Germans de una ysla clamada Estandinavia.