Ignacio F. Iquino

Ignacio F. Iquino
Información personal
Calendata de naixencia	25 d'octubre de 1910
Puesto de naixencia	Valls (Alto Campo, Catalunya)
Calendata de muerte	29 d'abril de 1994
Puesto de muerte	Barcelona (Barcelonés, Catalunya)
Ocupación	Director cinematografico, guionista y productor cinematografico

Ignacio F. Iquino (nombre artistico d' Ignasi Ferrés i Iquino, tamién conoixiu como Ignacio Iquino), naixiu de Valls (Alto Campo, provincia de Tarragona) lo 25 d'octubre de 1910 y muerto en Barcelona (Barcelonés, provincia de Barcelona) lo 29 d'abril de 1994, estió un director cinematografico, guionista y productor cinematografico catalán, activo en o cine espanyol dende meyaus d'os anyos 1930. Ye fillo de l'actriz valenciana Teresa Idel y d'o director d'orquesta Ramón Ferrés Musolas.

D'entre a suya filmografía, se puet citar as cintas El difunto es un vivo (1941, con Antonio Vico, Mary Santamaría, Guadalupe Muñoz Sampedro, Luis Porredón y Paco Martínez Soria), La familia Vila (1950, con Barta Barri, Modesto Cid y Jesús Colomer), El Judas (1952, con Antonio Vilar y Manuel Gas), El difunto es un vivo (1956, con Paco Martínez Soria, Mary Santpere y José Sazatornil), Buen viaje, Pablo (1959, con Maruja Bustos y José María Caffarel), El primer cuartel (1966, con Sergio Aparici y Juan Aymerich). Dende meyaus d'os anyos 1960 rodó en primeras cuantos spaghetti western (Cinco pistolas de Texas, La diligencia de los condenados, Abre tu fosa, amigo, llega Sábata..., Ninguno de los tres se llamaba Trinidad y muitas atras) y dimpués, dende los anyos 1970 y ya en zaguerías d'a suya carrera, cintas d'o primer cine erotico espanyol de zaguerías d'o franquismo, como Busco tonta para fin de semana, Chicas de alquiler, Los violadores del amanecer, Las que empiezan a los quince años, La caliente niña Julieta, Los sueños húmedos de Patricia, etc.

Se veiga tamién

• Cintas producidas por Ignacio F. Iquino.

Vinclos externos

• (en) Ignacio F. Iquino en Internet Movie Database.

• Datos: Q1393799