IKEA

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

IKEA
Datos chenerals
Eslogan	'
Establimiento	28 de chulio de 1943
Localización	Delft, Países Baixos
Enfiladors	Jesper Brodin,CEO
Industria	mueblario
Productos	muebles
Beneficios
Emplegatos	211.000 (2019)
Pachina web
Pachina web	´www.ikea.com
Twitter	{{{twitter}}}
Facebook	{{{facebook}}}

Mapa de tiendas IKEA alrededor del mundo:

   Países con tiendas IKEA

   Países con planes de instalación de tiendas IKEA

   Tiendas cerradas

   Sin tiendas

IKEA ye un grupo multinacional sueco con seu en os Países Baixos que disenya y vende muebles listos pa ensamblar, electrodomesticos de cocina y accesorios pa o fogar, entre atros productos utils y ocasionalment servicios pa o fogar. Fundada en Suecia en 1943 por Ingvar Kamprad, de 17 anyadas d'edat, IKEA ha estau o minorista de muebles mas gran d'o mundo dende 2008. Seguntes l'indiz de multimillonarios de Bloomberg, dica chinero de 2018, Kamprad yera a uitena persona mas rica d'o mundo, con un patrimonio neto estimau de 58.700 millons de dolars. O nombre d'a companyía consiste en as inicials d'o suyo fundador (Ingvar Kamprad) mas as de Elmtaryd, a grancha familiar an naixió y o lugar cercano Agunnaryd (a suya ciudat natal en Småland, sud de Suecia).

A companyía ye conoixida por os suyos disenyos modernistas pa diversos tipos d'electrodomesticos y muebles, y o suyo treballo de disenyo d'interiors a ormino s'asocia con una simplicidat ecolochica. Amás, a empresa ye conoixida por o suyo ficacio a o control de costes, os detalles operativos y o desembolique contino de productos que permitioron a IKEA reducir os suyos pres en un promeyo de dos a tres por ciento.

O negocio ye una empresa privada propiedat d'Inter IKEA Systems B.V., rechistrada en os Países Baixos y controlada por os fillos d'o suyo fundador Ingvar Kamprad. O grupo IKEA tien una estructura corporativa complexa, que seguntes os miembros d'o Parlamento Europeu estió disenyada pa privar o pago d'impuestos de mas de mil millons d'euros entre o periodo 2009-2014. Ye controlau por cuantas fundacions con seu en os Países Baixos y Liechtenstein.

A chunyo de 2019, i hai 433 botigas IKEA operando en 52 países y en l'anyo fiscal 2018, se vendio un cabal d'IKEA por valor de € 38.8 mil millons. A pachina web d'IKEA contiene arredol de 12.000 productos y i habió mas de 2,1 mil millons de vesitants a as suyas pachinas web dende setiembre de 2015 dica agosto de 2016. A companyía ye responsable d'aproximadament o 1% d'o consumo mundial de fusta de productos comercials, por o que ye un d'os mayors usuarios de fusta en o sector minorista.

En Aragón

O 22 de mayo de 2007 ubrió IKEA a suya primera filial en Aragón en Puerto Venecia en Zaragoza. Bels 12.500 vesitants acudioron ixe diya a la botiga.

En 2014 ya heba visitau a botiga mas de 13 millons de personas.

En 2018 s'estimaba que l'impacto economico en a provincia de Zaragoza yera de 15,7 millons d'euros. Manimenos a empresa ha estau acusada y condenada cuantas vegadas por evasión de treudos.

Referencias

• Datos: Q54078
• Multimedia: IKEA / Q54078