Hipermercau

De Biquipedia
Ir a la navegación Ir a la búsqueda
Hipermercau

Seguntes o Instituto Francés de Libre Servicio (IFLS), un hipermercau (u hipermercato, forma conservadera con a xorda intervocalica) ye un establimiento de venda a o detalle que tien una superficie de venda de más de 2500 m², que reyaliza as suyas operacions comercials en rechimen d'autoservicio y pago d'un solo acto en as caixas de salida y que dispone d'un gran espacio d'aparcamiento.[1] O primer hipermercau europeu lo creyó Carrefour en 1963, en Sainte-Geneviève-des-Bois (Essonne), población de l'aria metropolitana de París.

En Aragón[editar | modificar o codigo]

O primer hipermercau d'Aragón estió o encara existent Alcampo d'Utevo, instalau en 1981 con una superficie total de 30.056 m² por a interpresa francesa Auchan[2]. En l'anyo 1990 arribaría ta a capital aragonesa o segundo hipermercau d'a man de Pryca, actual Carrefour, en l'ACTUR. O primer hipermercau difuera de Zaragoza s'establió en Uesca en o centro comercial Coso Real en l'anyo 1993, perteneixindo a la interpresa vasca Eroski.

En os siguients anyos arribó ta a capital de l'Ebro o boom d'os hipermercaus con a instalación primero en 1995 d'o Continente (actual Carrefour) y o Centro Comercial Augusta, con 62.447 m² o mayor d'Aragón por ixas envueltas y dimpués o Sabeco en o Centro Comercial Los Porches Audiorama en ixe mesmo anyo, l'Alcampo Los Enlaces en 1997, o Hipercor de Grancasa tamién en ixe anyo, que con un total de 77.344 m² superaba a l'Augusta en amplaria y l'Alcampo d'Utriellas en l'anyo 2000.

Sería en 2001 quan s'instalaría o primer hipermercau difuera d'as capitals provincials, o Eroski de Chaca con una superficie total de 11.629 m². En 2007 arriban ta Zaragoza os grans centros comercials de Plaza Imperial y Puerto Venecia, con 134.800 y 83.890 m² de superficie total y con os hipermercaus d'Eroski y Hipercor. Ya en 2009 s'instalaría en ista mesma ciudat o centro comercial Aragonia, con un total de 30.000 m² y un hipermercau de Mercadona.

Referencias[editar | modificar o codigo]

Se veiga tamién[editar | modificar o codigo]