Henri Cornet

De Biquipedia
Henri Cornet
Henri Cornet.jpg
Información personal
Nombre Henri Auguste François Jardry
Calendata de
naiximiento
4 d'agosto de 1884
Puesto de
naiximiento
Flag of France.svg Desvres (Paso de Calais, Francia)
Calendata
de muerte
18 de marzo de 1941
Puesto
de muerte
Flag of France.svg Prunay-le-Gillon (Eure y Loir, Francia)
Esporte Ciclismo
Información d'equipo
Equipo actual Retirato
Disciplina Carretera
Papel Ciclista
Grans victorias
Jersey yellow.svg Tour de Francia (1904)
Jersey yellow.svg París-Roubaix (1906)

Henri Auguste François Jardry, dito Henri Cornet, naixito de Desvres (Paso de Calais) o 4 d'agosto de 1884 y muerto en Prunay-le-Gillon (Eure y Loir) o 18 de marzo de 1941, estió un ciclista francés. Henri Cornet estió ganador d'o Tour de Francia (1904) y d'a París-Roubaix (1906).

Cornet remató o Tour de Francia de 1904 en cinquena posición, pero as circumstancias que rodioron a preba rematoron dando-le o triunfo y con tasament decinueu anyos d'edat, ye dica l'actualidat o ganador más choven d'a historia d'a preba.

Tour de 1904[editar | modificar o codigo]

Esta edición estió una cursa con muitas polemicas y os corredors sufrioron actos violentos per parte d'os espectadors. Ya en a primera etapa os dos primers clasificaus de l'anyo anterior (Garin y Pothier) estioron agredius per quatro encapachudos que iban en auto.

Per unatra parte se sospeitaba que gran parte d'os corredors heban chito trapas mientres o transcurso de qualques etapas no fendo a totalidat d'o recorriu u fendo-lo en atros meyos de transporte como auto u tren.

Debant d'estes numerosos actos de trapas sospeitadas u atestiguadas, a Unión vélocipédique de Francia (UVF), organizadora d'a preba, fació una enqüesta escrupulosa en a quala incluyió a decenas de competidors y de testigos d'o paso d'a cursa. Finalment o 30 de noviembre, más de quatro meses dimpués de finalizar o Tour, os quatro primers d'a clasificación cheneral (Maurice Garin, Lucien Pothier, César Garin y Hippolyte Aucouturier), son desqualificaus. As suyas victorias d'etapa son anuladas y o cinqueno d'a clasificación cheneral, Henri Cornet fue declarau vencedor y convertindo-se con tasament decinueu anyos d'edat, lo ganador mas choven d'a historia d'a preba.

Clasificacions en o Tour de Francia[editar | modificar o codigo]

  • 1904, 1er. en a clasificacion cheneral y ganador d'una etapa. (5eno. dinantes d'a desqualificación d'os quatre primers).
  • 1905, abandona (4a etapa).
  • 1907, abandona (4a etapa).
  • 1908, 8eno. en a claseficacion cheneral.
  • 1909, abandona (4a etapa).
  • 1910, 16º en a claseficacion cheneral.
  • 1911, 12º en a claseficacion cheneral.
  • 1912, 28º en a claseficacion cheneral.

Dimpués d'o ciclismo[editar | modificar o codigo]

En rematar a suya vida profesional como ciclista ubrió un taller de bicicletas y d'automobils con un café contiguo. Se casó o 6 d'octubre de 1906 con Ernestine Río y tenioron ueito ninos. S'instala en un primer momento a Frainville, d'an ye a suya muller, dimpués treslada a suya residencia definitivament a Prunay-lo-Gillon y posteriorment muere en o hespital en 1941 de complicacions posteriors a una cirurchía cardiaca.

En 2012, se coloca una placa commemorativa en o cementerio local y a carrera an vivió leva o suyo nombre en l'actualidat.

Vinclos externos[editar | modificar o codigo]


Predecesor:
Maurice Garin
Jersey yellow.svg Tour de Francia
1904
Succesor:
Louis Trousselier
Predecesor:
Louis Trousselier
Jersey yellow.svg París-Roubaix
1906
Succesor:
Georges Passerieu