Maurice Garin

Maurice Garin
O ciclista valdostán Maurice Garin en 1897.
Información personal
Nombre	Maurice Garin
Embotada	Petit ramoneur u petit ramoneur italien
Calendata de naiximiento	3 de marzo de 1871
Puesto de naiximiento	Arvier (Val d'Aosta, Italia)
Calendata de muerte	19 de febrero de 1957
Puesto de muerte	Lens (Paso de Calais, Francia)
Esporte	Ciclismo
Información d'equipe
Disciplina	Carretera
Papel	Ciclista
Grans victorias
Ganador d'a clasificación cheneral d'o Tour de Francia de 1903. - Ganador d'a París-Roubaix en 1897 y 1898.

Maurice Garin

Maurice Garin, naixiu d'Arvier (Val d'Aosta, Italia) o 3 de marzo de 1871 y muerto en Lens (Paso de Calais, Francia) lo 19 de febrero de 1957, estió un ciclista valdostán naturalizau francés.

Entre atras victorias en o ciclismo, destaca por haber estato o primer ganador d'o Tour de Francia, en 1903.

Carrera profesional

Naixito d'Italia, Garin se naturalizó ciudadán francés en 1901. Antis d'estar ciclista estió esfollinador, por lo que la suya embotada estió petit ramoneur u petit ramoneur italien ("chicot esfollinador" u "chicot desfollinador italián", en francés). Dende la suya victoria en lo Tour de Francia de 1903, nomás s'emplegó la primer embotada.

Ganó tamién lo Tour de Francia de 1904, encara que fue descalificato 4 meses dimpués de rematar la cursa, por testimonios seguntes ell mesmo poco fiables, y la victoria correspondió asinas a Henri Cornet. Suspensa a suya participación en lo ciclismo por dos anyadas, se retiró ta Lens, en lo Paso de Calais, a on teneba un taller de reparación de bicicletas.

Dimpués d'a Segunda Guerra Mundial creyó un equipo, clamau Garinque portaba las colors royo y blanco, cal destacar que lo neerlandés Piet Van Est ganó la Burdeos-París en 1950 y 1952 con o suyo equipe.

Murió en Lens lo 19 de febrero de 1957 y la suya memoria encara perdura en esta villa d'o norte de Francia, que metió lo suyo nombre a lo velodromo local. En 2003 coincidindo con lo centenario d'a suya victoria en lo Tour de Francia, una carrera de Maubeuge estió renombrada en la suya memoria.

Palmarés

• 1893 : Dinant-Namur-Dinant
• 1893 : 800 kilometros de París (en pista)
• 1894 : 24 horas de Lidje (en pista)
• 1894 : Premio d'Avesnes-sur-Helpe
• 1894 : París-Sant-Maloù
• 1895 : 24 horas d'as Artes Liberal de París (en pista)
• 1895 : Gwengamp-Montroulez-Gwengamp
• 1895 : Recordman d'o mundo d'os 500 km por carretera dezaga d'entrenador: 15 h 02' 32", entre o 3 y o 4 de febrero
• 1896 : París-Le Mans
• 1896 : París-Mons
• 1896 : Lidje-Thuin
• 1896 : 3º en a París-Roubaix 1896
• 1897 : París-Roubaix 1897
• 1897 : París-Royan
• 1897 : París-Cabourg
• 1897 : Tourcoing-Béthune-Tourcoing
• 1898 : Paris-Roubaix 1898

Con o suyo masachista y o suyo fillo en 1903.

• 1898 : Tourcoing-Béthune-Tourcoing
• 1898 : Valenciennes-Nouvion-Valenciennes
• 1898 : Douai-Doullens-Douai
• 1898 : 50 km d'Ostende (en pista)
• 1898 : 2º en a Bordeus-París
• 1899 : 3º en a Bordeus-París
• 1899 : 3º en o Bol d'Or (en pista)
• 1900 : 2º en a Bordeus-París
• 1900 : 2º en o Bol d'Or
• 1900 : 3º en a París-Roubaix 1900
• 1901 : París-Brest-París
• 1902 : Bordeus-Paris
• 1903 : Tour de Francia 1903 (á más de quatre victorias d'etapa)
• 1904 : Tour de Francia 1904, descalificau 4 meses dimpués de rematada la cursa, por «trapazas», seguntes testimonios poco creyibles, que negó tota la suya vida (2 victorias d'etapa).

Predecesor: Creyación d'a cursa	Tour de Francia 1903	Succesor: Henri Cornet
Predecesor: Maurice Garin	París-Roubaix 1897 y 1898	Succesor: Albert Champion