Guerra Anglo-Zanzibariana
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
| Guerra Anglo-Zanzibariana | |
|---|---|
| [[]] | |
 O palacio d'o Soldán escachau dimpués de l'ataque. | |
| Información cheneral | |
| Calendata: 09:00 - 09:45 hora local, 27 d'agosto de 1896 | |
| Puesto: Zanzíbar | |
| Resultau: Victoria d'o Reino Uniu | |
| En conflicto | |
.svg){kind=small} Imperio Britanico
|
 Zanzíbar
|
| Soldaus | |
| Una flota naval con una cantidat desconoixida de soldaus | 2.800 |
A Guerra Anglo-Zanzibariana estió una batalla entre o Reino Uniu y Zanzíbar o 27 d'agosto de 1896. Con una durada de 38 menutos, tien o record d'a guerra mas curta cuaternada en a historia.
A guerra se desvinió dimpués d'a muerte d'o Soldán Hamad bin Thuwaini o 25 d'agosto, qui yera presto a cooperar con l'administración colonial britanica; o suyo primo Jalid bin Bargash prenió o poder por meyo d'un golpe d'estau.
Os britanicos ordenoron a Bargash abdicar y favoreixeban a l'atro candidau, Hamud bin Muhammed, con qui creyeban que yera mas fácil colaborar. Bargash refusó y formó un exercito con 2.800 hombres y o yate armau de l'anterior soldán, o H.H.S. Glasgow, que yera en o puerto. Mientres as tropas de Bargash yeran fortificando o palacio, a Armada Reyal reunió cinco naus de guerra en o puerto chunto a o palacio (tres crucers mudernos: un crucero acuirazau de clase Edgar HMS St George, un crucero protechiu de clase pearl HMS Philomel, un Crucero de clase Archer HMS Racoon; y dos Cargueros d'armas o HMS Thrush y o HMS Sparrow). Os britanicos tamién desembarcoron bellas companyías de Marins Reyals ta aduyar a os "leyals" un exercito de Zanzíbar, en total s'achuntoron 900 hombres en 2 batallons comandaus por o Cheneral Lloyd Mathews, un antigo tenient de l'Armada Reyal.
A tamas d'os esfuerzos d'o soldán por negociar a paz a traviés d'o representant estausunidense en a isla, as naus de l'Armada Reyal ubrioron fuego contra o palacio en o maitín d'o 27 d'agosto, dimpués que rematase l'ultimátum britanico a las 9 a.m. Con o palacio esboldregando-se dencima d'él y con muitos muertos, o soldán habió de retirar-se a escape a o consulato alemán, a on se le atorgó asilo. O bombardeyo s'aturó a os 45 menutos, cuan o Glasgow se fundió.
Os britanicos desichioron a os alemans que entregasen a o soldán, pero iste escapó a la mar o 2 d'octubre. Vivió en o exilio en Dar es Salaam dica que fue preso por os britanicos en 1916 y exiliau a Mombasa, a on que morió en 1925.
Se veiga tamién[editar | modificar o codigo]
- A Guerra d'as Trescientas Trenta y Cinco Anyadas, talment a guerra mas larga d'o mundo.