Gran barrera de coral

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Vista de satelite d'a Gran barrera de coral

A Gran barrera de coral ye o mayor arrecife de coral d'o mundo y se troba en o Mar d'o Coral, debant de l'estato australiano de Queensland y s'estendilla mas de 2.500 kilometros. Ye considerato parti d'o territorio australiano, y ye administrata dende Canberra por l'Australian Department of the Environment (Departamento Australiano de Medio Ambient).

L'arrecife ye composato por escletos calsinosos de mils de millons de cuerpos poliperos de corals depositatos mientres millons d'anyos. O coral creixe dencima d'as restas calsinosas d'os suyos predecesors alimentato por unas auguas marinas calients, claras, poco fundas y ricas en nutrients.

Se pueden trobar mas de 400 especies de coral, belunas de microscopicas y d'atras que arriban a los 2 metros d'amplaria. En as marguins esternas de l'arrecife se troban especies viscosas con a capacidat de resistir as enrestidas d'as ondas d'a mar, as variedaz mas delicadas se i troban en as auguas mas tientas.

Actualment a gran barrera de coral ye amenazata por a puyata d'a temperatura de l'augua por o cambio climatico y por a contaminación y degradación de la calidat de l'augua.