Canberra
- Iste articlo ye sobre la capital d'Australia y d'o Territorio d'a Capital Australiana. Ta atros usos se veiga Canberra (desambigación).
| Canberra Canberra | ||
| Localidat d'Australia | ||
| ||
| País • Territorio |
 AustraliaTerritorio d'a Capital Australiana | |
| Superficie | 805,60 km² | |
| Población • Total |
332.798 hab. (2014) | |
| Altaria • Meyana |
650 m. | |
| Codigo postal | 2600–2617 | |
| Coordenadas | ||
| Web oficial | ||
Canberra u Camberra (pronunciau /kaNˈbera/) (en anglés y oficialment Canberra, pronunciau en anglés australiano /ˈkænbɹə/), ye un municipio y ciudat australiana, que ye la capital d'o país, amás d'estar a capital d'o Territorio d'a Capital Australiana.
A suya población ye de 332.798 habitants (2006) en una superficie de 805,60 km², con una densidat de población de 413,11 hab/km².
A ciudat ye situada a 650 metros d'altaria sobre lo livel d'a mar, a una distancia de 280 km a lo sud-ueste de Sydney y a 650 km a o nord-ueste de Melbourne, y fue esleyida como a capital d'o país en 1908 como compromís en a rivalidat entre istas dos ciudaz, as prencipals ciudaz d'o país, que aspiraban a estar-ne la suya capital.
Etimolochía
[editar | modificar o codigo]Lo nombre de Camberra ye derivau d'o Ngunnawal, luenga d'os Ngunnawal u Ngambri, un clan local que residió en l'aria que actualment ocupa la ciudat y que estió referiu per los primers colonizadores britanicos como Canberry, Kanberri u Tribu Nganbra. Joshua John Moore, lel primer propietario de tierra en a rechión, nombró la suya propiedat como Canberry en l'anyo 1823, posteriorment recibió lo nombre de Rigachuelo Canberry. Canberry amaneixe per primera vegada en mapas d'a rechión en l'anyo 1830, mientres que Canberra empecipió a amaneixer alredor de l'anyo 1857. Atras fuents contemporanias contemplan varientes ortograficas como Canbury, Canburry y Kembery.
Historiadores locals, incluyindo lo Ngunnawal Don Bell, han especulau con posibles significaus de Canberra, que pueden significar los sinos d'a muller u lo hueco entre los sinos d'una muller.
Mientres la suya planificación como ciudat moderna se proposoron distintos nombres pa la suya denominación entre los cuals se proposoron yeran : Austral, Australville, Aurora, Cocinero d'o Capitán, Caucus Ciudat, Cookaburra, Dampier, Eden, Eucalypta, Flinders, Gonebroke, Casa, Hopetoun, Kangaremu, Myola, Meladneyperbane, Yera Nueva, Olympus, Paraíso, Shakespeare, Sydmelperadbrisho, Swindleville, La Ciudat Nacional, Ciudat d'Unión, Unison, Wattleton, Wheatwoolgold, Yass-Camberra.
Esporte
[editar | modificar o codigo]Una forma popular de fer exercicio pa las personas que treballan cerca u en o Trianglo Parlamentario ye fer lo "puent a puent" d'uns 5 km arredol d'o lago Burley Griffin, cruciando lo puent de l'Avenida Commonwealth y lo puent de l'Avenida Kings y utilizando los camins chunto a lo lago, realizar este recorriu ye muito popular mientres los cabos de semana.
Instalacions esportivas
[editar | modificar o codigo]Canberra conta con numerosas instalacions esportivas, campos de golf, parques de patinache y piscinas ubiertas a lo publico. Entre las pistas de tenis se troban las d'o National Sports Club, antiga siede d'o Canberra Women's Tennis Classic. Per tota la ciudat i hai una serie de carriles bici que son a la disposición d'os ciclistas con fins recreativas, esportivas u desplazamiento, amás los parques naturals de Canberra contan con una gran variedat de senderos pa pasear, amontar a caballo y bicicleta. En os lagos de Canberra se practican esportes acuaticos como la vela, lo remo y lo esquí acuatico.[1]
Tamién cal destacar las instalcions de l'Instituto Australiano d'o Esporte (AIS) que se troba en o vico de Bruce, quy ye una institución educativa y de formación especializada que amás ofreix entrenamiento a atletas de elite en cuantos esportes. Lo AIS leva funcionando dende l'anyo 1981 y ha aconseguiu importants exitos en a formación d'atletas, tanto locals como internacionals. La mayoría d'os miembros de l'equipo y medallistas d'Australia en os Chuegos Olimpicos de Verano de 2000 en Sydney yeran graduados en o AIS.[2]
Competicions esportivas
[editar | modificar o codigo]Lo Rally de Canberra ye un escayecimiento que se celebra de forma anyal d'esporte a motor, de 2000 a 2002, Canberra tamién acullió la preba Canberra 400 pa V8 Supercars en un circuito urbano temporal, situau en l'interior d'o Trianglo Parlamentario.
Localidaz achirmanadas
[editar | modificar o codigo]
Versailles (Francia).
Nara (Chapón).
Atlanta (Estaus Unius).
Pequín (Republica Popular de China).
Dili (Timor Oriental).
Vinclos externos
[editar | modificar o codigo]
- ↑ "The National Capital Authority > Visiting > Lake Burley Griffin & Surrounding Parklands > Boating on Lake Burley Griffin". https://web.archive.org/web/20070923025439/http://www.nationalcapital.gov.au/visiting/lake_burley_griffin/boating/.
- ↑ "History and successes : Australian Institute of Sport : Australian Sports Commission". https://web.archive.org/web/20130118055747/http://www.ausport.gov.au/ais/history.