Giancarlo Giannini

Giancarlo Giannini
L'actor, director, guionista y productor italiano Giancarlo Giannini.
Información personal
Calendata naiximiento:	1 d'agosto de 1942
Puesto naiximiento:	La Spezia (Liguria, Reino d'Italia)
Conchuche:	Livia Giampalmo (1967-1975, esvurcio) Eurilla del Bono ​(1983-)
Fillos:	4, incluyiu Adriano Giannini
Premios Oscar
Oscar a o Millor Actor: -1976: Nominau por Pasqualino Settebellezze.

Giancarlo Giannini, naixiu de La Spezia (provincia de La Spezia, Liguria, Reino d'Italia) l'1 d'agosto de 1942, ye un actor, director cinematografico, guionista y productor cinematografico italiano, con una destacada carrera cinematografica en o Cine italiano y tamién en l'internacional, con cuantos premios y nominacions recibius mientres a suya carrera artistica. Ye lo pai de l'actor Adriano Giannini.

D'entre la suya filmografía como actor, pueden mencionar-se bellas d'as suyas interpretacions en cintas como Rita la zanzara (1966, Lina Wertmüller), Lo sbarco di Anzio (1968, Edward Dmytryk y Duilio Coletti), The Secret of Santa Vittoria (1969, Stanley Kramer), Ettore lo fusto (1972, Enzo G. Castellari), Pasqualino Settebellezze (1975, Lina Wertmüller), Mi manda Picone (1983, Nanni Loy), Snack Bar Budapest (1988, Tinto Brass), Giovanni Falcone (1993, Giuseppe Ferrara), Una vacanza all'inferno (1997, Enzo Gallo y Tonino Valerii), Hannibal (2001, Ridley Scott), Darkness (2002, Jaume Balagueró), Casino Royale (2006, Martin Campbell), Prigioniero della mia libertà (2016, Rosario Errico), u Albatross (2025, Giulio Base).

Premios

Giancarlo Giannini fue nominau a l'Oscar a o Millor Actor por a suya interpretación en a cinta Pasqualino Settebellezze, dirichdta por Lina Wertmüller.

Se veiga tamién

• Cintas interpretadas por Giancarlo Giannini.

Vinclos externos

• Se veigan as imáchens de Commons sobre Giancarlo Giannini.
• (en) Giancarlo Giannini en Internet Movie Database.

• Datos: Q315258
• Multimedia: Giancarlo Giannini / Q315258