García Gavín
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
| García Gavín | |
|---|---|
| Información personal | |
| Calendata de naixencia | anterior a 1429 |
| Ocupación | notario publico de Zaragoza y notario reyal d'Aragón |
| Obras | posible autor d'o Romance de l'Arcebispe de Zaragoza |
García Gavín, naixiu dinantes de 1429 de puesto desconoxiu y muerto en calendata y puesto tamién desconoixius, fue un notario publico de Zaragoza y notario reyal d'Aragón. Entre os suyos protocolos, anotó con a suya mesma letra, en un folio suelto de 1429 (dezaga d'un protocolo de septiembre), lo Romance de l'Arcebispe de Zaragoza, que recuenta los afers esdevenius ixe mesmo anyo[1] entre lo rei Alifonso V d'Aragón y l'arcebispe de Zaragoza frai Alonso de Argüello.
Iste romance fue trobau por Encarnación Marín Padilla[2] en 1996[3].
No se tiene la seguranza de que sía l'autor d'o romance, pero coencide en oficio con Pasqual Contín, que anotó en 1448 lo Romance d'as Queixas d'Alfonso V.
Referencias[editar | modificar o codigo]
- ↑ María Isabel Falcón Pérez, 'Las ordenanzas del concejo de Zaragoza: Modificaciones de Alfonso V en 1430', Aragón en la Edad Media, 8, 1989; pp. 229-248.[1]
- ↑ Encarnación Marín Padilla: 'Arcebispo de Çaragoça'. Romance castellano manuscrito del año 1429, Zaragoza, edición de l'autora, 1999.
- ↑ Archivo de Protocolos Notarials de Zaragoza, Protocolo d'o notario García Gavín de l'anyo 1429, nº 3370. O protocolo tiene 339 folios en total, fueras d'o folio suelto entre 65v-66 con o romance