Ganglio limfatico
Un ganglio limfatico u nodo limfatico ye un tipo d'organo d'o sistema limfatico y d'o sistema immunitario distribuito por tot o cuerpo siempre ligau a vasos limfaticos. Os ganglios limfaticos son quartels de limfocitos B, limfocitos T y d'atras celulas immunitarias. Os ganglios limfaticos actuan como filtros u trampas pa particlas foranias y son importants pa o correcto funcionamiento d'o sistema immunitario. Bi ha una alta densidat de limfocitos y macrofagos.
Os ganglios limfaticos tienen tamién una importancia clinica. S'inflaman u s'unflan en diferents condicions, que pueden variar dende poco preoucupants como en una farinchitis dica amenazar a la propia vida como en bell cáncer. En este zaguer caso o estau d'o ganglio limfatico ye tan significativo que se fa servir pa o estadificamiento d'o cáncer, determinant d'o tratamiento a seguir, y pa determinar a prognosi. Quan son unflaus, inflamaus u ixamplaus, os ganglios limfaticos pueden estar duros, firmes u tovos.[1]
Os ganglios limfaticos pueden estar diagnosticaus por biopsia si son inflamaus. Ciertas infeccions afectan a los ganglios limfaticos con una caracteristica consistencia y localización.
En aragonés qualques ganglios pueden recibir la denominación d'andaderas, sobre tot quan son unflaus.[2]
Referencias[editar | modificar o codigo]
Bibliografía[editar | modificar o codigo]
- (es) C.P.J.Hickman: Principios Integrales De Zoologia - 10ª Ed. McGraw-Hill. 1998.
- (es) Natividad Ferrer Marí, Miguel Gracia Vicente, Manuel Medina Martínez: Bachillerato. Biología y Geología Bruño, 2008.