Fredor

De Biquipedia
(Reendrezato dende Fridor)
Ir a la navegación Ir a la búsqueda
En Teruel fa muita fredor d'hibierno, por lo que ye común a cayida de nieu.
Un conchelador saca la calor d'os alimentos y la forachita por dezaga.

A fredor u fridor (d'o latín frigĭdus) ye en fisica l'ausencia de calor. No tién por tanto unidat de mida particular, ya que lo que se puet mesurar, asinas como aquello en lo que podemos observar fenomens u emplegar tecnolochía, ye a calor. De feito, quan parlamos d'enfriar u de dar fredo, de conchelar, refricherar, etc. lo que somos fendo realment ye sacar a calor. O fredo absoluto ye alavez l'ausencia total y absoluta de calor, un concepto ideyal que correspondería a os zero graus kelvin y que de momento no s'ha trobau que pueda ocurrir en dengún puesto de l'universo.

En biolochía y psicolochía parlamos de tener fredo, de climas fredos, etc. quan nos referimos a temperaturas prou baixas pa que o cuerpo tienga lo que reconoixemos como sensación de fredo, con respuestas que pueden incluyir tremolons, arizons, etc. Y de calor quan son prou altas pa que sintamos a sensación de calor, que puet provocar sudor y atras respuestas de protección. En plastica, as colors fredas son mas que mas a gama d'azuls, y tamién colors amanaus, como bells verdes y vrioletas. Istas colors gosan esprisar-nos culturalment fredor, pero tamién paz, calma, relaixamiento.

Unidatz de mida[editar | editar código]

Se veiga l'articlo prencipal sobre as calorías

A fredor ye a "no-calor" y enfriar ye sacar calor. No podemos mesurar a fredor, u a variación de fredor, sino a calor, y ixo se fa en chulios u en calorías. Una variación positiva de fredor ye una negativa, y d'o mesmo modulo, que de calor, y viceversa. Como en bellas arias d'o conoiximiento y d'aplicación habríamos de tractar siempre con numeros y variacions negativas, por a propia comodidat, se i puet usar a frigoría, de simbolo (poco usau) fg, qué ye simplament una caloría cambeada de signo.

  • 1 fg = -1 cal
  • 1 fg = -4,184 J
  • 1 kfg = -1.000 cal = -1 kcal
  • 1 kfg = -4.184 J

Aplicacions[editar | editar código]

En a industria se fan muitas investigacions y aplicacions d'iste fenomen con fins productivos y pa la conservación d'as materias que son susceptibles d'alterar-se por a calor, como os alimentos. Se divide en tres brancas prencipals: