Frente de Libertação do Arquipélago da Madeira

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Bandera d'o FLAMA

O Frente de Libertação do Arquipélago da Madeira mas conoixito como FLAMA (en aragonés Frent de Liberación de l'Archipielago de Madeira) estió un movimiento independentista de Madeira que quereba a independencia de l'archipielago de Portugal, paralelo a o Frente de Libertação dos Açores. O FLAMA fació cuantas accions armatas entre os anyos 1974 y 1975, mientres a Revolución d'os Clavels, reivindicando a independencia de l'archipielago. Pareixe que o movimiento yera financiato por madeirenses emigratos a os Estaus Unius y por politicos locals temerosos d'a instauración d'un gubierno d'extrema ezquierda en Lisbona.

Posteriorment con a instauración d'o rechimen autonomico de Madeira y a estabilización politica en Portugal, o sentimiento independentista s'amortó. Se diz que un d'os suyos prencipals activistas estió Alberto João Jardim, actualment chefe d'o gubierno autonomico local, president local d'o Partiu Socialdemocrata Portugués y vicepresident d'o Partiu Popular Europeu.

• Datos: Q3307677
• Multimedia: Frente de Libertação do Arquipélago da Madeira / Q3307677