Francisco

De Biquipedia
Ta atros usos d'o termin se veiga Francisco (desambigación)
Francisco
Bartolomé Esteban Murillo - St Francis of Assisi at Prayer.JPG
Sant Francisco d'Asís, en un quadro de Bartolomé Esteban Murillo.
Orichen Italián
Chenero Masculín
Santoral 2 d'abril (de Paula)
3 d'octubre (de Borcha)
4 d'octubre (d'Asís)
3 d'aviento (Chavier)
Zona Cristianismo
Articlos en Biquipedia Todas as pachinas que prencipian por Francisco

Francisco ye un nombre propio u antoponimo masculín orichinato por a embotata que Chuan Bernardote dió a su fillo "Sant Francisco d'Asís".[1] y que tien relación con o toponimo Francia, derivato d'o etnonimo d'o pueblo chermanico d'os francos. Cal parar cuenta que a familia de Sant Francisco d'Asís en yera orichinaria.

En aragonés o hipocoristico por excelencia de Francisco ye Francho, que tamién se documenta en o castellán d'a Val de l'Ebro con substrato aragonés y en a parla catalana d'o Matarranya. Se sabe que a Francisco de Goya y Lucientes li diciban Francho la chent més amanata en Aragón, egual que qualsiquier Francisco puet ser conoixito en qualsiquier de l'Alto Aragón como Francho. Manimenos, dende o zaguer quarto d'o sieglo XX, quan encomenzó o movimiento de defensa y recuperación de l'aragonés, este hipocoristico s'ha gosau considerar como a forma aragonesa d'o nombre, y s'ha feito servir mas que no a forma plena coincident con o castellán, Francisco, que por atro costau ye a sola forma que se troba en textos medievals. D'esta traza dende que fue legalment posible de meter y/u traducir nombres en aragonés, i hai bells ninos y adultos que levan o nombre Francho.

O hipocoristico Francho no ye exclusivo de l'aragonés, tamién se troba en o castellán de Puerto Rico. Atros hipocoristico presents en castellán son Curro, Pancho, Quico y Paco (visible en o nombre artistico de presonaches celebres como "Paco de Lucía"). Paco se remonta a lo feito que Sant Francisco d'Asís yera o Pater Comunitatis u "Padre d'a Comunidat" quan se fundó a Orden d'os Franciscans. En o castellán d'o País Basco ye usual Pachi, que ye una forma d'orichen basco.

Referencias[editar | modificar o codigo]