Francho Rodés Orquín

De Biquipedia
(Reendrezato dende Francho Rodés)
Ir ta: navego, busca
Francho Rodés Orquín
Francho Rodés en a presentación de l'Academia de l'Aragonés en a Universidat de Zaragoza
Francho Rodés en a presentación de l'Academia de l'Aragonés en a Universidat de Zaragoza
Información personal
Calendata de naixencia 1960
Puesto de naixencia Flag of Aragon.svg Sarinyena
Ocupación Filologo e profesor d'amostranza segundaria

Francho Rodés Orquín (Sarinyena, 1960) ye un escritor aragonés que ha escrito quantos libros de poesía y lexicografía en luenga aragonesa. Iste licenciato en Filolochía Hispanica ye en l'actualidat profesor en o IES Biello Aragón de Samianigo, miembro de l'Academia de l'Aragonés (que en ye vocal d'Investigación) y d'o Rolde O Caxico. En agosto de 2009 se'n dio de baixa d'o Consello d'a Fabla Aragonesa y d'o Consello Asesor de l'Aragonés.

En a decada d'os 1980 publicó os libros de poesía:

  • Ascuita, Clamor Bueita, 1980.
  • Segudos poemas, 1983.
  • Armonicos d'aire y augua, 1986.

Ye coautor d'o libro "Antroponimos aragoneses" (1989) y autor d'o "Bocabulario aragonés d'o botero Pedro Lafuente", editato en 1996. En ixe mesmo anyo colaboró en o "Bocabulario aragonés d'abes d'Europa". Ha treballato en o curriculum de luenga aragonesa ta Educación Segundaria que decamín amaneixerá. Ye coautor d'o "Bocabulario Monegrino" (2005), que reculle un numero important de dentratas (bellas 7.700) y de Un borguil de parolas. Bocabulario Dialeutal Escolar (2006).

Ha publicato bells articlos entre os que destacan: "O cambeo -m- > -n- en bels morfemas de cuatrena presona" (1999), "Proposa d'una metodolochía lesicolochica de l'aragonés estándar ta zenzias esperimentals con un eixemplo: a tabla periodica d'os elementos" (2004) u bella resenya como "L'aragonés de Sasa de Sobrepuerto" (2006). En 2007 s'ha encargato d'a traducción y la edición d'o treballo "El Aragonés Literario a Finales del Siglo XIV. El Testimonio Del Libro Del Trasoro", d'a profesora Dawn E. Prince (d'a Iowa State University), publicato en en a revista dichital EDACAR (Academia de l'Aragonés). Tamién ye estato o corrector d'a traducción ta l'aragonés d'Os cuatre Ebanchelios de Nuestro Siñor Chesucristo, feita por o escolapio P. Pedro Recuenco y publicata en 2008.