Fernando Gimeno Marín

Fernando Gimeno Marín
Consellero d'Hicienda y Administración Publica d'a Deputación Cheneral d'Aragón
6 de chulio de 2015 – 6 de chulio de 2019
President	Javier Lambán Montañés
Precediu por	Javier Campoy Monreal
Succediu por	Carlos Pérez Anadón
Vicealcalde de Zaragoza
16 de chunio de 2009 – 13 de chunio de 2015
Succediu por	Luisa Broto Bernués
Deputau en as Corz Chenerals por Zaragoza
18 de noviembre de 1982 – 18 de chinero de 2000
Concellero d'o Concello de Zaragoza
16 de chunio de 2007 – 13 de chunio de 2015
Naiximiento	1949 Chaca (Aragón)
Partiu	Partido Socialista Obrero Español
Profesión	Politico
Alma Máter	Universidat de Barcelona

Fernando Gimeno Marín (Chaca, 1949) ye un funcionario de l'Administración Cheneral d'o Estau y politico aragonés. Estió Consellero d'Hicienda y Administración Publica d'Aragón entre 2015 y 2019 en o primer gubierno d'o socialista Javier Lambán. D'antis mas estió vicealcalde d'o concello de Zaragoza y deputau en o Congreso mientres cinco mandatos.

Biografía

Licenciau en Dreito por a Universidat de Barcelona, ye inspector de treballo y seguridat social de l'Administración Cheneral d'o Estau. En l'ambito politico, ye miembro d'o Partido Socialista Obrero Español (PSOE), formación con la que concurrió y obtenió escanyo a o Congreso d'os Deputaus por a circunscripción de Zaragoza en as eleccions chenerals de 1982, 1986, 1989, 1993 y 1996. En a suya actividat como parlamentario, estió vocal d'a Comisión de Politica Social y Emplego en cuatre d'os cinco mandatos, estió vicepresident d'a Comisión Mixta de relacions con o Tribunal de Cuentas en a VI Lechislatura, estió ponent d'as ponencias de deciséis prochectos de lei (entre os que se trobaban cuantos de presupuestos chenerals, o de creyación d'o Consello Economico y Social y a lechislación sobre cooperativas), asinas como en dos proposicions de lei.

Más tardi estió concellero d'o Concello de Zaragoza, a on ocupó cuantas responsabilidaz dende 2007, entre as que destaca haber estau vicealcalde d'o municipio dica chunio de 2015.

Dimpués d'as eleccions de mayo de 2015, pasó d'o Concello de Zaragoza a la Deputación Cheneral d'Aragón, pa exercer como Consellero d'Hicienda y Administración Publica d'Aragón baixo a presidencia de Javier Lambán. Posteriorment, dimpués d'as eleccions de 2019 fue sustituyiu en o cargo por o tamién socialista Carlos Pérez Anadón.