Fendo Orella
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
Fendo Orella ye un programa radiofonico d'a emisora libre Radio Topo. Actualment en ye l'unico que se fa de raso en aragonés en dita emisora.
O prochecto naixió en l'anyo 2004 a mans de dos chóvens ligaus a o mundo de l'aragonés y os movimientos socials d'a ciudat de Zaragoza. Mientres toz istos anyos nuevas voces s'han adhibidas a o programa, de vez que atras marchaban.
Fendo Orella emite en directo os chueves de 18.00 a 19.00 horas en Radio Topo, o 101.8 d'a frecuencia modulada de Zaragoza.
Contenius[editar | modificar o codigo]
Como apareixeba en o cartel d'o suyo 6eno cabo d'anyo "Todas as luitas que cullen en una luenga"
O programa ye trestallau en bellas seccions fixas, con contenius d'actualidat social a ran local, nacional y internacional. Noticias, traducción de textos historicos y presentación de discos.
Entrevistas[editar | modificar o codigo]
Por os microfonos de Fendo Orella han pasau grupos musicals como Gen, Dixebra, Eina, Temps al Temps, Prau, La Gossa Sorda, Zarrakatralla Folk, Maut, Déchusban, Obrint Pas u Mallacán; presentacions d'os libros O despertar de l'onso y Almugávares Via Sus; a ran lingüisitico l'Academia de l'Aragonés, Nogará, Ligallo de Fablans, O Trango, AEK Baztan y a Xunta pola Defensa de la Llingua Asturiana; u atros como A Enrestida, Stonewall, Purna, Algabenaires con a representación de O yayo volador, Curba Roya, BIC, Francesc Ribera i Toneu, Marta Marín, Magofermin, Coordinadora Antifascista de Madrid, o documental To shoot an Elephant, EsperanSaharaui, Roberto Madriz (FNL) u A Gentalha do Pichel.
Sintonía[editar | modificar o codigo]
"Avui com ahir" d'o grupo valenciano Obrint Pas.
Atras actividaz[editar | modificar o codigo]
Encara que l'actividat principal de Fendo Orella ye a emisión semanal d'o programa, han feito bellas actividaz dillá d'as ondas: presentación de libros, traducción y prochección de cintas u chentas, amás de refirmar as actividaz propias de Radio Topo.