Espritismo

Iste articlo ye escrito con as normas graficas EFA. Si quiers, puez aduyar cambiando a la grafía oficial de Biquipedia y sacando dimpués ista plantilla.

O espritismo (d'o francés esprit esprito y isme sistema, Sistema ta o estudio d'o esprito) ye una doctrina filosofica que apareixió en Francia en 1857 con a publicación d'o Livre des esprits (en aragonés Libro d'os espritos) sinyato por o francés Allan Kardec.

O espritismo tracta a naturalesa, l'orichen y o esdevenidero d'os espritos, asinas como tamién as suyas relacions con o mundo corporal. Como os espritualistas, os espritistas tamién creyen que as almas perviven dezaga d'a muerte y ye important a comunicación con ellas, pero os dos movimientos dicen estar diferents.

O espritismo tien fiels en muchos países d'o mundo, incluyendo Espanya, Estaus Unius, Chapón y Brasil, estando iste zaguero lo país con mayor proporción de espritistas.