Especie en periglo d'extinción

De Biquipedia
Ir ta: navego, busca
Articlo d'os 1000
O cerval iberico ye una especie en periglo critico de desapareixer.

Una especie se considera en periglo d'extinción, sía vechetal u animal, quan se troba compromesa a suya existencia globalment. Isto se puet deber tanto a la depredación dreita sobre a especie como a la desaparición d'un recurso d'o qualo ista pende, tanto por l'acción de l'ombre, debito a cambeyos en l'habitat, producto de feitos fortuitos (como desastres naturals) u por cambeyos graduals d'o clima.

En a versión 2009 d'a Lista Roya d'a UICN 2.448 taxons de animals[1] e 2.280 de plantas[2] se troban baixo a categoría "En Periglo", chunto con atros 1.665 taxons d'animals[1] e 1.575 de plantas[2] que tamién lo fan pero baixo a categoría de "En Peligro Critico".

Muitas nacions tiene leis ta protecher a las especies que penden d'a suya conservación ta existir, por eixemplo con a prohibición d'a suya cazata. Manimenos, pocas especies obtienen una protección legal considerable, estinguindo-se muitas sin dengún tipo de reconoiximiento publico.

A extinción d'una especie ye irreparable y, de momento, irreversible, afectando de traza dreita u indreita a la cadena alimentaria y, incluso, a lo propio ser humán.

Especies en periglo d'extinción en Aragón[editar | editar código]

En Aragón bi ha especies endemicas de plantas con una distribución tan localizata que podrían estar en periglo de desapareixer. Entre as especies de mamifers en periglo d'extinción tenemos o Galemys pyrenaica y entre os amfibios a rana pirenenca (Rana pyrenaica).

Especies extinguitas en Aragón[editar | editar código]

Bi ha especies en periglo d'extinción que ya no fan parte d'a fauna aragonesa pero que pueden trobar-se en atros puestos. Ye o caso de l'alica imperial que viviba en o Sistema Iberico, d'o cerval iberico u d'a foca monche que viviba en o Baixo Ebro dica Casp.

Referencias[editar | editar código]


Vinclos externos[editar | editar código]