Tractau de Karlowitz

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Hongría en 1683, partida entre os dominios d'os Habsburgo a l'ueste y os territorios otomans a l'este, cedius en o Tractau de Karlowitz.

O Tractau de Karlowitz u Paz de Karlowitz ye un tractau internacional sinyau o 26 de chinero de 1699 en a ciudat de Karlowitz (hue Sremski Karlovci, en a Voivodina, Serbia) entre l'Imperio Otomán, d'una man, y a coalición formada por o Sacro Imperio Romano Chermanico d'os Habsburgo, a Republica de Venecia, a Unión Polaco-Lituana y l'Imperio Ruso, d'atra man, y que remataba a Segunda Guerra austro-turca (1686-1699).

Seguntes as clausulas d'o tractau, os otomans cedeban a os Habsburgo a mayor parte d'Hongría con a Eslavonia y a Transilvania, amás de ceder a os venecianos Dalmacia y a peninsula de Morea (alto u baixo o Peloponiso), encara que Morea tornó dimpués a mans d'os otomans por o Tractau de Passarowitz de 1718.

O tractau de Karlowitz fació que os Habsburgo (que enamploron muito os suyos dominios) se convertisen en a prencipal potencia d'Europa Central, y tamién que prencipiase a decadencia de l'Imperio Otomán.