Conte

Corona eraldica de conte.

Conte (u Contesa, en femenín), d'o latín comes, plegato a trabiés d'o francés en muitas luengas, ye un titol de nobleza, d'un gubernant d'un contato.

Alta Edat Meya

Os primers reis de l'alta Edat Meya dioron o titol de conte a toz os oficials de lurs casas, uno d'ellos dito "conte palazín".

O titol de conte lo reprenioron os companyers d'armas d'os prenzipes francos cuan encomenzoron a chestionar bellas civitas ("ziudaz") u pagi ("pagos"), churidizions almenistratibas eredatas d'o Imperio Román. Os contes merobinchios yeran nombratos por o rei con funzions fiscals, melitars e chudicials.

En ixas embueltas d'os Carolinchios tot ixo esdebenió ereditario e os pagos (pagi) eboluzionoron enta contatos autonomos.

Bels contatos carolinchios d'a Marca Ispanica esdebenioron estatos cristians independients:

• Contato d'Aragón.
• Contato de Sobrarbe.
• Contato de Ribagorza.
• Contato de Pallars.
• Contato d'Urchel.
• Contato de Besalú.
• Contato de Barcelona.
• Contato de Zerdaña.