Toscana

A Toscana ye una rechión situata en o centro d'Italia. Muga con a rechión de Lazio a o sud, Umbría a l'este, Emilia-Romanya y Liguria a o norte, y a mar Tirrena a l'ueste. Ye una d'as 20 rechions d'Italia. A suya capital ye Florencia, tien una superficie de 22.990 km² y alto u baixo 3,6 millons d'habitants. Fan parte d'a Toscana bellas islas entre a mar de Liguria y a mar Tirrena, a prencipal d'istas islas ye a isla d'Elba.

Seis localidatz d'a Toscana son Patrimonio d'a Umanidat seguntes a UNESCO: O centro historico de Florencia dende 1982, o centro historico de Siena dende 1995, a Plaza d'a Seu de Pisa dende 1987, o centro historico de San Gimignano dende 1990, o centro historico de Pienza dende 1996 y a Val d'Orcia dende 2004.

As prencipals ciudatz d'a rechión son: Florencia, Pisa, Siena, Lucca, Livorno, Volterra, San Gimignano y Vinci.

Economía

Ye una rechión con una economía tradicionalment basata en l'agricultura, encara que dende a segunda metat d'o sieglo XX apareixió una chicota industria. Asinas, en 1994 nomás o 4,5% d'a población activa d'a rechión treballaba en l'agricultura.

Os prencipals productos agricolas son os cerials y os vinyers, y bi ha tamién ganadería.

Tien industria metalurchica y textil.

Hue o sector terciario (os servicios) tien un peso important (55,5 d'a población activa en 1994), por o peso d'o torismo.