Abruzos

	Rechión d'os Abruzos; Regione Abruzzo
	Rechión d'Italia
Bandera	Escudo
	; Mapa de situación en Italia
Entidat; • Estato; • Zona; • Capital	Rechión; Italia; Italia meridional; L'Aquila
President	Ottaviano del Turco
Subdivisions; • Comunas; • Provincias	; 305; Aquila; Chieti; Pescara; Teramo
Superficie; • Total	; 10.794 km²
Población ; • Total; • Densidat	; 1.300.000 hab. ; 120 hab/km²

Os Abruzos (en italiano, Abruzzo) son una rechión situata en o sud u centro d'Italia. Tien una población d'1,3 millons d'habitants en una superficie de 10.794 km², con una densidat de población de 120 hab/km², y a suya capital ye l'Aquila. Muga a lo norte con as Marcas, a l'ueste con o Lazio, a lo sud con Molise y a l'este con a mar Adriana. Os tres Parques Nacionals, o Parque Rechional, as vente arias protechitas que se troban sobretot en o territorio rechional, representan o 33% de superficie total protechita que ye o porcentache más alto d'Europa.

En fan parte quatre provincias: L'Aquila, Chieti, Pescara y Teramo, dividitas en 305 municipios. Ista rechión fue fundada o 27 d'aviento de 1963, despartindo-se d'a rechión de Molise.

Toponimia[editar | modificar o codigo]

Abruzzo apareixe en latín medieval como Aprutium ya en o sieglo VI, talment relacionau con o etnonimo d'os antigos Praetutii. En catalán antigo ye documentau como Abruç u Bruç, y en aragonés medieval se troba en a "Grant Cronica d'Espanya" como Bruç:

et Grecia la Mayor se clamaua todo el Regno de Napol, es a saber Pulla, Calabria, & tierra de lauor & Canpanya, & la ysla de Cecilia & las montanyas de Bruç, & la marca & Romanya.^[1]

Demografía[editar | modificar o codigo]

Evolución demografica
1951	1961	1971	1981	1991	2001	2011	2021
1,277,000	1,206,000	1,167,000	1,218,000	1,249,000	1,262,000	1,343,000	1,282,826^[2]

Organización politico-administrativa[editar | modificar o codigo]

A rechión ye partida en quatro provincias:^[3]

Provincia	Superficie (km²)	Población	Densidat (hab./km²)
Provincia de Chieti	2.588	396.190	153,1
Provincia de L'Aquila	5.034	308.876	61,3
Provincia de Pescara	1.225	318.701	260,1
Provincia de Teramo	1.948	308.769	158,5

Referencias[editar | modificar o codigo]

Vinclos externos[editar | modificar o codigo]

(it) Pachina web oficial d'a rechión d'Abruzos.

Rechions d'Italia
Abruzos \| Basilicata \| Calabria \| Campania \| Cerdenya \| Emilia-Romanya \| Friuli-Venecia Chulia \| Lazio \| Liguria \| Lombardía \| Marcas \| Molise \| Piemont \| Pulla \| Secilia \| Toscana \| Trentino-Alto Adigio \| Umbría \| Val d'Aosta \| Veneto

[GRANTCRONICADESPANYA-1] (an) "Grant Cronica d'Espanya"

[2] (it) https://web.archive.org/web/20210503144037/http://demo.istat.it/bilmens/query.php?anno=2021&lingua=ita&Rip=S4&Reg=R13&Pro=P000&Com=&submit=Tavola

[3] (it) Statuto della Regione Abruzzo

[1]

[2]

[3]