Basilio II

Basilio II
Emperador d'o Imperio Bizantín
Basilio II
Emperador d'o Imperio Bizantín
Predecesor	Chuan I Tzimisces
Succesor	Constantín VIII
Naixencia	958
Muerte	15 d'aviento de 1025
Dinastía	Dinastía macedonica
Pai	Román II
Mai	Teófano Anastaso

Basilio II (Βασίλειος Β΄ Βουλγαροκτόνος en griego, Bulgaroctonos significa "matador de bulgaros"), ye naixito en 958 y muerto o 15 d'aviento de 1025 en Costantinoble, estió emperador d'o Imperio Román d'Orient dende o 10 de chinero de 976 dica a suya muerte en l'anyo 1025. Encara que haiga pasato a la posteridat con a embotata de Bulgaroctonos en os suyos tiempos yera conoixito como "Balisio o porfirocheneta" u "Basilio o choben", diferenciando-lo de Basilio I Macedón. En o suyo mandato i habió campanyas contra os gazaros, os arabes y sobretot con o reino bulgaro de Macedonia u Bulgaria Ocidental, que dixó d'estar independient.

En a primera parte d'o suyo reinato (976-989) esclafa una revuelta d'a nobleza. Con os bulgaros se mantién a la defensiva, aturando a expansión d'o reino bulgaro de Samuel, y esto li permite de luitar contra o emir arabe d'Halepo. Basilio II consigue amanar politicament a los eslavos orientals y en l'anyo 989 Vladimir I o Gran de Kiev ye baptizato.

En a segunda parte d'o suyo reinato (989-1001) adreza a suya ofensiva contra os bulgaros y os arabes de Siria. En Siria ha d'intervenir en l'anyo 994 quan o califa fatimí d'Echipto asitiaba Halepo, y en l'anyo 999 quan os fatimís yeran amenazando Antioquía. Dimpués d'estas campanyas invade Cheorchia se l'anexiona.

e ell tornó a Contastinoble e aprés fue en Iveria por haver la posessión de la eredat de David, senyor de Iveria, havía lexado al emperador de Contastinoble, qui lexó al imperio toda su part. E ido l'emperador allá, huvo la posessión de la dita eredat, e ultra la dita posessión ha havida toda Iveria. E al ermano del dito David, qui havía nombre Gola, le ha dado por su parte Iveria que era más allá

Por ixe tiempo Samuel de Bulgaria abanzaba enta Costantinoble y ye derrotatato en l'anyo 996 por Niceforo Uranos en as Termopilas.

Samuel, senyor de los búrgaros, no solament fazía danyo a la ciudat de Trachi e de Macedonia, mas encara a la Elada e a la Morea; por que l'emperador envió una huest contra ell, e capitán maestro Nicoforo, otrament clamado Uranó, el cual era capitán general sobre todos los otros devés ponent

En a tercera part d'o suyo reinato (1001-1018) con o suyo costato oriental seguro, adreza totas as fuerzas contra os bulgaros d'a muga nordoccidental. Basilio II encomienza una guerra total por a que li posan d'embotata Bulgaroctonos y en 1014 Samuel sufre una derrota total en una batalla chunto a lo río Struma. Os bulgaros se sozmeten ya de pa cutio en l'anyo 1018, y atros pueblos amés d'os bulgaros se sozmeten a los bizantins, como indica o "Libro de los Emperadors".

que ha sosmesa toda Burgaria al imperio, e encara otra nación, que se clama Crovates e toda la senyoría del Sirmio. Mas el senyor de uachios se rebelló de la obediencia imperial

Os bizantins tamién intervienen en o sud d'Italia y Secilia. Os bizantins vencen a los normandos y longobardos en 1013 en batalla de Cannas.

En a quarta part d'o suyo reinato Basilio II en una campanya por tierras trascaucasianas (1018-1022) torna a ocupar Cheorchia y recibe a sumisión d'o rei d'Armenia. O Imperio Bizantín s'anexiona o Vaspurakán. O "Libro de los Emperadors" en parla:

E aprés aquesto, seyendo l'emperador fuera de todo pienso de traimiento, priso batalla contra lo senyor de los avasquios, la qual batalla fue grant e mortal entre amas las partes, de todo eun día non se levaron avantage, más otro día l'amperador ha havido victoria en manera que es señor de los avaschios (en o manuscrito uachios) fuyó a Ibería, (referindo-se a Cheorchia central).

En l'anyo 1025 os bizantins ocupan Mecina en Secilia.

En l'anyo 1037 se creya a seu metropolitana de Kiev, dependient d'o patriarcato de Costantinoble.

o imperio bizantín quan moriba Basilio II

Emperador d'o Imperio bizantín 976-1025